ASAN Radio xəbər verir ki, Fəvvarələr Meydanında "Nargiz Fond"unun təşəbbüsü  və Amapola Exclusive Events şirkətinin təşkilatçılığı ilə "Soyuq əllər, İsti ürək" Qış nağılı  adlı Xeyriyyə Yarmarkası davam edir. Tədbirin əsas məqsədi – aztəminatlı ailələrdən ağır xəstə olan uşaqlara yardım təşkil etməkdir. Bu il tədbir daha geniş formatda keçirilir və 2017-ci ilin 15 yanvar tarixinə kimi davam edəcək.

"Soyuq əllər, İsti ürək" Qış nağılı  adlı Xeyriyyə Yarmarkası çərçivəsində bir çox maraqlı aksiyalar keçirilib. Onlardan biri – “Rahat evcik” aksiyasıdır. Aksiya zamanı Yarmarka təşkilatçıları və sponsorlarının nümayəndələri xüsusi hazırlanmış evcikləri  özlərinə məxsus şəkildə rəngləyirdilər. Nəticədə, sözün əsl mənasında, sənət əsərləri yaradılıb. 15 yanvar tarixində həmin evciklər hərrac vasitəsi ilə satışa çıxarılacaq. Hərracdan yığılan vəsait ehtiyacı olan uşaqlara yardım etmək üçün Nargis fonda təqdim olunacaq. Yarmarka ziyarətçilərini hərracda iştirak etməyə dəvət edirik. Gəlin, həmrəlik və mərhəmətimizi nümayiş etdirərək, balaca dostlarımıza yardım edək!

ASAN Radio "Soyuq əllər, İsti ürək" Qış nağılı  adlı Xeyriyyə Yarmarkasının əsas radio partnyorudur.