ASAN Radio xəbər verir ki, 1, 2 və 3 saylı Bakı "ASAN xidmət" mərkəzlərində hazır şəxsiyyət vəsiqələri, ümumvətəndaş pasportları, hüquqi və fiziki şəxslərə dövlət arxiv fondunun sənədləri əsasında arxiv arayışları və fiziki şəxslərin vergi uçotuna və kommersiya hüquqi şəxslərin dövlət qeydiyyatına alınması barədə hazır sənədlərin ünvanlara çatdırılması xidmətindən yararlana bilərsiniz.

Sifarişin qaydası

“ASAN xidmət” mərkəzinə müraciət etməklə:

Bu zaman vətəndaş mərkəzdə fəaliyyət göstərən xidmətə müraciət edərək müvafiq ərizə-anketi doldurur, xidmət üçün müəyyən olunan xidmət haqqını ödəyir və sənəd hazır olan gün vətəndaşın ünvanına çatdırılır.

108 “Çağrı” mərkəzinə zəng etməklə:

Sifariş dəqiqləşdirildikdən sonra nümayəndə vətəndaşın olduğu ünvana yaxınlaşır, ərizə-anket forması vətəndaş tərəfindən imzalanır və xidmət haqqı qəbz əsasında xidmət göstərən nümayəndəyə ödənilir. Sənəd hazır olan gün vətəndaşın ünvanına çatdırılır.

Qeyd 1:

Xidmət 1, 2 və 3 saylı Bakı “ASAN xidmət” mərkəzlərində həyata keçirilir.

Qeyd 2: 

Əcnəbilərə və vətəndaşlığı olmayan şəxslərə əmək fəaliyyəti ilə məşğul olmaları üçün iş icazələrin verilməsi haqqında hazır sənədin  ünvana çatdırılması 1 şəxsin sənədi üçün xidmət haqqı zonaya və seçdiyi çatdırılma növünə görə 10 manat təyin edilmişdirsə, digər hər şəxsin sənədləri üçün 5 manat əlavə olunur. 

Qeyd 3: 

Sosial həmrəyliyin təmin edilməsi məqsədi ilə sənədlərin çatdırılması xidmətləri kənardan qulluğa və yardıma ehtiyacı olan 1-ci qrup əlillər (tibbi-sosial ekspertiza komissiyasının arayışında göstərilməklə) və sağlamlıq imkanları məhdud uşaqlar (Azərbaycan Respublikasının Nazirlər Kabinetinin 21 Aprel 2009-cu il tarixli 67 nömrəli qərarı ilə təsdiq edilmiş “Uşaqların sağlamlıq imkanları məhdudluğunun müəyyən olunması meyarlarına” əsasən) üçün ödənişsiz həyata keçirilir.