Fevralın 16-da axşamdan yağan qar Ağsu dolaylarında avtomobillərin hərəkətində bir sıra problemlər yaradıb.
ASAN Radio AZƏRTAC-a istinadən xəbər verir ki, dolayların ən təhlükəli ərazisi olan 149-cu kilometrində qarın hündürlüyü 20 santimetri ötüb. Burada bir qədər əvvəl təmir olunan sürüşmə zonasındakı çatlar 10-12 santimetrə çatıb.
Fevralın 17-də səhər saat 8-dən 16 nömrəli “Yol İstismar” MMC-nin işçi qüvvəsi qumsəpən və qreyderin köməyi ilə yolda təmizləmə işləri aparır. Lakin qar yağmaqda davam edir.
Yol işçiləri sürüşmənin daha da intensivləşəcəyini nəzərə alaraq, yaxınlıqdakı alternativ yolu da təmizləyirlər.
Qeyd edək ki, yolda texniki cəhətdən saz, şinləri qış rejimində olan avtomobillərin hərəkəti təmin edilib. Lakin mütəxəssislər zəruri səbəb olmadan sürücülərə dolaylardan istifadə etməməyi məsləhət görürlər.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!