Türkiyənin Diyarbəkir şəhərində törədilən partlayış nəticəsində, son məlumata görə, 7 polis həlak olub, 9-u mülkü şəxs olmaqla, 29 nəfər yaralanıb. Türkiyə mətbuatında terror hücumunu törədən şəxsin video görüntüləri yayılıb. Yayılan yeni görüntüdə polis kortejinə hücumda istifadə olunan "Ford" markalı avtomobilin tərk edilməsi əks olunub. Görüntülərdə aydın görünür ki, terror hücumunu həyata keçirən şəxs avtomobili polis kortejinin keçəcəyi yolun kənarına sürür. Daha sonra o avtomobili yolun kənarında saxlayaraq ərazini sürətlə tərk edir. Hələlik terrorçunun kimliyi bilinməsə də, polisi araşdırmaları davam etdirir.
Qeyd edək ki, Diyarbəkir şəhərində polisləri aparan avtobus hərəkətdə olarkən kənarda içərisinə partlayıcı qurğu qoyulan avtomobil partladılıb. Son məlumata görə, terror hücumu zamanı 7 polis həlak olub, 9-u mülkü şəxs olmaqla, 29 nəfər yaralanıb.
Yaralıları Diyarbəkir Hərbi Hospitalına və digər xəstəxanalara aparıblar.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!