Avropa Liqasında 1/4 final mərhələsinin cavab oyunları keçirilib. Apasport.az saytının məlumatına görə, baş tutan 4 görüşdən sonra yarımfinalçılar məlum olub.
ASAN Radio xəbər verir ki, turnirin əsas favoriti “Mançester Yunayted” səfərdə qollu bərabərə qaldığı “Anderlext”i qəbul edib. Bu oyunda da əvvəlki matçda olduğu kimi əsas vaxt 1:1 hesabı ilə başa çatıb. “Qırmızı şeytanlar”ı uzatma dəqiqələrində Reşfordun vurduğu qol yarımfinala çıxarıb.
Belçikanın digər təmsilçisi “Genk” cavab oyununu evdə keçirib. “Şirinlər” doğma arenada “Selta” ilə üz-üzə gəliblər. Səfərdə minimal hesabla məğlub olan Albert Stuvenberqin kollektivi “Selta” səddini keçə bilməyiblər - 1:1.
Əvvəlki günlərinə qayıtmağa çalışan “Ayaks” Almaniyaya səfər edib. “Tanrıların oğlanları” evdə 2:0 hesabı ilə qalib gəldikləri “Şalke” ilə bu dəfə Gelzenkirhendə qarşılaşıblar. Matçın əsas vaxtı meydan sahiblərinin üstünlüyü ilə tamamlanıb - 2:0. Uzatma dəqiqələrində almanlar daha bir qol vurublar. Ancaq sonradan özündə güc tapan hollandlar iki qol vuraraq vətənə yarımfinal sevinci ilə dönüblər.
Türkiyənin Avroliqadakı yeganə təmsilçisi “Beşiktaş” “Lion”la münasibətlərinə aydınlıq gətirib. Türklər səfər qoluna güvənsələr də, bu, onlara çox da kömək etməyib. Belə ki, oyunun ilk hissəsi Fransadakı hesabla - 2:1 başa çatıb. Əlavə vaxtda qapılara qol vurulmayınca qalibi penalti vuruşları bəlli edib. Gərgin geçən perioddan "Lion" qalib ayrılıb - 7:6.
UEFA Avropa Liqası
1/4 final mərhələsi, cavab oyunları
20 aprel
“Beşiktaş” (Türkiyə) – “Lion” (Fransa) - 2:1 ( 6:7 penaltilər)
Qollar: Talişça, 27, 58 - Lakazette, 34
Baş hakim: Milorad Maziç (Serbiya)
İstanbul. “Vodafon Arena”
İlk oyun – 1:2
“Genk” (Belçika) – “Selta” (İspaniya) - 1:1
Qollar: Trossard, 67 - Sisto, 64
Baş hakim: Villiam Kollum (Şotlandiya)
Genk. “Luminus Arena”
İlk oyun – 2:3
“Mançester Yunayted” (İngiltərə) – “Anderlext” (Belçika) - 2:1
Qollar: Mxitaryan, 10, Reşford, 107 (əlavə vaxtda) - Hanni, 32
Baş hakim: Alberto Undiano Malyenko (İspaniya)
Mançester. “Old Trafford” stadionu
İlk oyun – 1:1
“Şalke” (Almaniya) – “Ayaks” (Hollandiya) - 3:2
Qollar: Qoreçka, 53, Burqstaller, 56, Kaliquri, 101 (əlavə vaxtda) - Virgever, 111 (əlavə vaxtda), Yunus, 120 (əlavə vaxtda)
Baş hakim: Ovidiu Hateqan (Rumıniya)
Gelzenkirhen. “Veltins Arena”
İlk oyun – 0:2
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!