USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Dövlət Agentliyinin sədr müavini Ağdamda təqdimatla çıxış edib

16 sentyabr 2021-ci il tarixində Ağdam şəhərində “Birinci Qarabağ forumu: innovasiya və inkişaf” tədbiri keçirilib. Tədbirin əsas müzakirə mövzusu Qarabağ iqtisadiyyatının innovativ inkişafı, rəqəmsal yanaşmaların tətbiqi, ərazilərin effektiv məskunlaşması olub. 

İlkin olaraq Ağdam şəhəri ilə tanışlıq baş tutub.

Sonra tədbirin açılış mərasimində Azərbaycan Respublikasının Prezidentinin Ağdam rayonu üzrə Xüsusi Nümayəndəsi Emin Hüseynov, Azərbaycan Respublikası İqtisadiyyat nazirinin müavini Niyazi Səfərov,  Qarabağ Dirçəliş Fondunun İdarə Heyətinin sədri Rəhman Hacıyev, AMEA-nın İqtisadiyyat İnstitutu direktoru Nazim İmanov çıxış ediblər.

Ardınca  Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov, Azərbaycan Dövlət İqtisad Universitetinin rektoru Ədalət Muradov, AMEA İqtisadiyyat İnstitutunun “Post-konflikt ərazilərin bərpası” Elmi mərkəzinin rəhbəri Akif Musayev müxtəlif mövzularda çıxışlar ediblər.

Dövlət Agentliyinin sədr müavini Ceyhun Salmanov “Qarabağda innovativ - iqtisadi sahələrin inkişaf potensialı və perspektivləri” mövzusunda təqdimat edib. 

Təqdimatda Dövlət Agentliyinin ağıllı idarəetmə, rəqəmsal hökumət və innovativ həllər istiqamətində uğurlu yanaşmaları barədə məlumat verililib, “Smart ASAN” və “ASAN 2.0” konseptləri, “ASAN müraciət” informasiya sistemi və “INNOLAND” İnkubasiya və Akselerasiya Mərkəzi kimi reallaşmış layihələrin Qarabağda tətbiqinə dair fikir mübadiləsi aparılıb. Qarabağda və Şərqi Zəngəzur bölgəsində həyat keyfiyyətinin artırılması, eyni zamanda məskunlaşacaq əhali üçün ictimai xidmətlərin əlçatanlığının və effektivliyinin təmin edilməsi məqsədilə infrastrukturun yeni texnologiyalar əsasında qurulmasının vacibliyi tədbir iştirakçılarının diqqətinə çatdırılıb. Vurğulanıb ki, bunun üçün qabaqcıl beynəlxalq təcrübə ilə yanaşı, ölkəmizdə tətbiq edilən yerli mütəxəssislər tərəfindən hazırlanan konsept və texnologiyalardan istifadə etmək zəruridir.

Tədbir çıxışlar, sual-cavab sessiyası, xatirə şəklinin çəkilməsi ilə davam edib.

Sonda tədbir iştirakçıları adından Azərbaycan Respublikasının Prezidenti cənab İlham Əliyevə müraciət mətni qəbul edilib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!