ASAN Radio xəbər verir ki, mayın 22-də Birləşmiş Millətlər Təşkilatının Könüllüləri Proqramının İcraçı Əlaqələndiricisinin müavini, cənab Toyli Kurbanov Bakıya səfər edəcək. O, Azərbaycanın hökümət nümayəndələri ilə görüşərək hökümətin könüllülüyün təbliği və Azərbaycanın uzun müddətli könüllülük mədəniyyətinin qurulmasında Hökumətin baxışı əsasında qlobal əməkdaşlıq priorotetlərin müzakirə edəcək.

İki günlük səfər ərzində, Toyli Kurbanov BMT tərəfdaşları, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və elm mərkəzlərinin nümayəndələri ilə ikitərəfli görüşlər keçirəcək, könüllülük təcrübəsi olan təşkilatlarla çoxtərəfli əməkdaşlıq üçün yolları araşdıracaq.

BMT-nin Azərbaycandakı Rezident Əlaqələndiricisi Qulam İshaqzai: “Biz BMT-nin Könüllüləri Proqramının Azərbaycana qayıdışı və onun Azərbaycan höküməti və inkişaf üzrə tərəfdaşları ilə Dayanıqlı İnkişaf Məqsədlərinin əldə olunması üzrə könüllülüyün təbliğini müsbət qiymətləndiririk.”

“BMT-nin Könüllüləri bilavasitə insanlarla işləyir və Dayanıqlı İnkişaf Məqsədlərinə nail olmaq yolunda sülh və inkişafı əsas tutur,” – deyə Toyl Kurbanov vurğulayıb. “BMT-nin Könüllüləri öhdəçilik, fərdilik, aktivlik və həmrəylik kimi əsas dəyərləri özlərində təcəssüm etdirir.”