24/09/2017 01:45

Valyuta USD EUR RUB TRY
Kurs 1.7007 2.0209 0.0292 0.4853


Dövlət qurumları

Dövlət Komitəsinin sədri “Bney Brit” beynəlxalq təşkilatının nümayəndələri ilə görüşüb


30.06.2017   18:13


İyunun 30-da Dini Qurumlarla İş üzrə Dövlət Komitəsinin sədri Mübariz Qurbanlı ölkəmizdə yaşayan yəhudilərin vəziyyəti ilə tanış olmaq, İsrail-Azərbaycan əlaqələrinin daha da möhkəmlənməsinə çalışmaq məqsədilə Azərbaycanda səfərdə olan “Bney Brit” beynəlxalq təşkilatının prezidenti Qari Saltzmən və nümayəndə heyətinin üzvləri ilə görüşüb.

Dini Qurumlarla İş üzrə Dövlət Komitəsinin Mətbuat Xidmətindən ASAN Radioya bildirilib ki, görüşdə Dini Qurumlarla İş üzrə Dövlət Komitəsi sədrinin birinci müavini Səyyad Salahlı, icraçı direktoru Daniel  Mariaşin, BMT və Əlaqələndirmə Məsələləri üzrə direktoru Devid Maykls, eləcə də təşkilatın direktorlar şurasının və nümayəndə heyətinin üzvləri, Avropa Yəhudiləri Bakı dini icmasının baş ravvini Şneor Siqal da iştirak edib.

Dövlət Komitəsinin sədri Mübariz Qurbanlı bildirib ki, Azərbaycan müstəqilliyini bərpa etdikdən sonra ölkəmizdəki dinlər və etnik qruplar arasındakı münasibətlər Ümummilli Liderimiz Heydər Əliyevin dövlətçilik konsepsiyasına uyğun olaraq daha da möhkəmlənib, bu sahə dövlət siyasətinin prioritet istiqamətlərindən birinə  çevrilib. Ümummilli Lider Heydər Əliyevin siyasi xəttini uğurla davam etdirən Azərbaycan Respublikasının Prezidenti İlham Əliyev hazırda ölkədə dini etiqad azadlığının və multimədəni harmoniyanın təminatçısı və himayədarıdır. Azərbaycan hökumətinin din siyasəti demokratik dövlət quruculuğuna, dövlət-din münasibətlərinin milli-mənəvi və hüquqi müstəvidə tənzimlənməsi prinsipinə əsaslanır.

Qeyd olunub ki, milli-mənəvi dəyərlərimizin qorunmasına, tarixi-mədəni abidələrimizin bərpasına böyük önəm verən Azərbaycan Respublikasının Birinci vitse-prezidenti, Heydər Əliyev Fondunun Prezidenti, UNESCO və İSESCO-nun xoşməramlı səfiri Mehriban xanım Əliyeva bir sıra məscid və ziyarətgahların, xristian və yəhudi abidələrinin təmir və bərpasına xüsusi diqqət göstərir.

Azərbaycanın İsraildən sonra yəhudilərin ən sıx məskunlaşdığı ölkə olduğunu vurğulayan Komitə sədri ölkəmizdə 7 sinaqoqun, yəhudi məktəblərinin fəaliyyət göstərdiyini bildirib. O qeyd edib ki, dövlət tərəfindən dini konfessiyaların fəaliyyətinin dəstəklənməsi məqsədilə mütəmadi olaraq İslam və qeyri-islam dini icmalarına maliyyə vəsaiti ayrılır. Maliyyə vəsaitinin ayrılması ilə bağlı növbəti Sərəncam bu yaxınlarda imzalanıb ki, burada Bakı şəhəri Dağ yəhudiləri dini icmasına 250 min manat, Avropa yəhudilərinin Bakı dini icmasına 100 min manat maliyyə vəsaitinin ayrılması nəzərdə tutulub.

 “Bney Brit” beynəlxalq təşkilatının fəaliyyəti barədə məlumat verən Qari Saltzmən bildirib ki, bir əsrdən çox tarixə malik təşkilatın əsas vəzifəsi dini müxtəlifliyi təbliğ etmək, müxtəlif dinlərin nümayəndələrinin tolerantlıq mühitində yaşaması üçün işlər görməkdir.

Qonaq unikal dini tolerantlıq modelinə malik olan dövlət kimi Azərbaycanda yəhudilərin ibadəti və dini adət-ənənələrini qoruması üçün şərait yaradılmasından, yəhudilərə hörmət və qayğı göstərilməsindən məmnun olduğunu bildirib.

Görüşdə ikitərəfli əməkdaşlıq, Azərbaycan və yəhudi xalqlarının qardaşlığını gücləndirə biləcək ortaq layihələr haqqında müzakirələr aparılıb.




Xəbər lenti

23 Sentyabr
22 Sentyabr











ASAN Radio telefonunuzda
Facebook