17/10/2017 22:34

Valyuta USD EUR RUB TRY
Kurs 1.7003 2.0028 0.0297 0.4659


Gündəm

Bu gündən ali məktəblərdə boş qalan 6242 plan yerinə ixtisas seçimi aparılır - AUDİO


15.08.2017   10:11


Bu gündən ali təhsil müəssisələrinin boş qalan (vakant) plan yerlərinə ixtisas seçimi başlayıb.

Dövlət İmtahan Mərkəzinın mətbuatla iş sektorunun müdiri Xanlar Xanlarzadə ASAN Radioya xəbər verib ki, həmin yerlərə ixtisas seçimi avqustun 15-dən 19-dək internet vasitəsilə aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı orta ixtisas təhsili müəssisələrinin (kolleclərin)  ixtisaslarının da kodlarını göstərə bilərlər.

Bu il ali məktəblərə keçirilən yerləşdirmənin nəticəsində qəbulolma  faizi 85.37 olub. I mərhələnin nəticəsinə əsasən, 6242 (14,63%) yer  boş qalıb. Dövlət ali təhsil müəssisələrində vakant yerlərin sayı 3663 (10.06 %), özəl ali təhsil müəssisələrində isə 2579-dur (41.30%)

Qeyd edək ki, ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının 8-ci sayında dərc olunub.

Orta ixtisas təhsili müəssisələrinin qəbul aparılan ixtisasları “Abituriyent” jurnalının 5-ci sayında dərc edilib. Jurnalı “Abituriyent” satış köşklərindən almaq və ya www.abiturient.az saytından sifariş etmək olar.

Dövlət İmtahan Mərkəzinın mətbuatla iş sektorunun müdiri Xanlar Xanlarzadənin müsahibəsi:




Xəbər lenti

17 Oktyabr











ASAN Radio telefonunuzda
Facebook