14/12/2017 21:14

Valyuta USD EUR RUB TRY
Kurs 1.7001 2.0116 0.0290 0.4459


ASAN xəbər

Azərbaycanda Hindistanın müstəqilliyi günü qeyd olunub


15.08.2017   18:40


Avqustun 15-də Hindistanın müstəqilliyinin 70-ci ildönümü bu ölkənin Bakıdakı səfirliyində qeyd olunub.

Səfirlikdən ASAN Radioya bildiriblər ki, səfir Sanjay Rana tərəfindən bayrağın qaldırılmasından sonra Hindistanın dövlət himni səsləndirilib. Səfir Hindistan Prezidentinin müstəqillik günü ərəfəsində xalqa müraciətini oxuyub.

Hindistanın Prezidenti Ram Nath Kovind müraciətində Hindistanın azadlıq mübarizlərinin və müasir Hindistanın böyük xadimlərinin fədakarlıqlarını qeyd edib. O, Hindistan xalqını azadlıq mübarizəsindən ruhlanmağa və 2022-ci ilədək “Yeni Hindistan” yaratmağa çağırıb.

Səfirlikdə təşkil olunan tədbirdə Azərbaycanda yaşayan Hindistan vətəndaşları və onların ailə üzvləri, ictimaiyyətin nümayəndələri Azərbaycan Dillər Universitetinin Hindistan Mərkəzinin tələbələri və Hindistanın dostları iştirak ediblər.

Səfir Sanjay Rana Hindistan və Azərbaycan arasında yaxın dostluq münasibətlərinin mövcud olduğunu və əməkdaşlığın iqtisadi, siyasi, sosial, humanitar, mədəniyyət və təhsil kimi bütün sahələrdə gündən-günə möhkəmləndiyini qeyd edib. O deyib ki, 1991-ci ildə Hindistan Azərbaycanı müstəqil respublika kimi tanıyan ilk ölkələr arasında olub. Bu il Hindistan və Azərbaycan diplomatik münasibətlərin qurulmasının 25 illiyini Hindistan-Azərbaycan Dostluq Festivalı çərçivəsində hər iki ölkədə təşkil olunan bir sıra mədəni tədbirlərlə qeyd edir. İkitərəfli ticarətin həcmi 63 faizdən çox artıb. Hindistan azərbaycanlı tələbə və mütəxəssislər üçün təlim imkanları təklif edir. Həm Hindistan, həm də Azərbaycandan olan tələbələr getdikcə daha çox bir-birinin ölkəsində təhsil almağa çalışır.

Səfir qeyd edib ki, AZPROMO ilə aparılan son müzakirələrdə iki tərəf kənd təsərrüfatı və kənd təsərrüfatı məhsulları, əczaçılıq və səhiyyə, neft və qaz sektorunun təchizatı, emal, modernləşdirmə, biznes üçün İT xidmətləri də daxil olmaqla İKT, turizm və otelçilik sahələrində ikitərəfli əməkdaşlığın artırılması imkanları diqqət mərkəzində olub. Beynəlxalq Şimal-Cənub Nəqliyyat Dəhlizi və iki ölkə arasında uçuşların qarşılıqlı faydalı əlaqələri daha da artıracağı, əmtəə və xidmətlər mübadiləsini təşviq edəcəyi qeyd olunub.




Xəbər lenti

14 Dekabr











ASAN Radio telefonunuzda
Facebook