Hazırda Bakıda müşahidə olunan toz dumanı Türkmənistan ərazisindən daxil olan tozlu küləklə bağlıdır və analizlərin nəticəsinə əsasən, havada tozun həcmi sanitar normadan 20 faiz artıqdır.
Bunu ASAN Radioya Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin direktor müavini Mətanət Avazova deyib.
M.Avazova bildirib ki, tozlu külək bu gün səhər saat 09:00-dan Azərbaycan ərazisinə daxil olub: "Səhər saat 07:00-da aparılan analizlərin nəticəsinə əsasən, havada tozun miqdarı norma daxilində olub, lakin sonradan vəziyyət dəyişib".
Departament direktoru bildirib ki, bu cür hava şəraitinin ayın 26-dək davam edəcəyi proqnozlaşdırılır:
“Zəif cənub-şərq küləyi əsdikcə, yəni Türkmənistan tərəfdən külək əsdikcə tozlu hava şəraitinin avqustun 26-na qədər davam edəcəyi, atmosfer havasında tozun miqdarının bir qədər də artacağı proqnozlaşdırılır. Havada yüksək temperatur, yüksək rütubət olacaq. Məsləhət olunur ki, nəfəs yollarında problem olan insanlar ev şəraitində qalsınlar. Əgər başqa istiqamətdən külək olarsa, vəziyyət başqa cür inkişaf edə bilər”.
Səs yazısı:
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!