“ASAN Akademiya” layihəsi 2017-ci il üçün açıq elan edilib.
ASAN Radio xəbər verir ki, layihə Azərbaycan Respublikasının Prezidenti yanında Gənclər Fondunun maliyyə dəstəyi, “Gilan Holding”in tərəfdaşlığı, "ASAN Könüllüləri" Təşkilatının təşkilatçılığı ilə həyata keçirilir.
"ASAN Akademiya - 2017"nin əsas məqsədi müxtəlif ixtisaslar üzrə təhsil alan, fərdi inkişafa dəyər kimi baxan gəncləri bir yerə toplayaraq təcrübi biliklərə yiyələndirmək, onlara karyeralarında irəliləmələri üçün təkan verməkdir. Bu məqsədlə layihə zamanı iştirakçılara müxtəlif sahələr üzrə həmin sahənin peşəkarları tərəfindən xüsusi hazırlanmış proqram tədris ediləcək. Layihədə iştirakçılar üçün natiqlik, psixologiya, biznes mühitində idarəetmə, innovasiya və maliyyə kimi 5 proqram modulu nəzərdə tutulub.
Tədris prosesindən əlavə, iştirakçıların praktiki biliklərə yiyələnməsi, proqramın real tətbiqi məqsədilə müxtəlif, xüsusi seçilmiş məkanlara ekskursiyalar da təşkil olunacaq.
2014-cü ildən “ASAN Könüllüləri” Gənclər Təşkilatı tərəfindən reallaşdırılan layihəyə sayca 4-cü dəfə start veriləcək.
Layihə oktyabrın 5-dən noyabrın 25-dək həyata keçiriləcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!