18/12/2017 08:55

Valyuta USD EUR RUB TRY
Kurs 1.7001 2.0032 0.0289 0.4379


Mədəniyyət

Səfir: "Qarabağa nə vaxt qayıdacağımızı söyləmək qeyri-mümkündür" - Özəl/Audio


27.09.2017   11:43


Fəxri Xiyabanda Azərbaycan vokal sənətinin banisi, SSRİ xalq artisti Bülbülün xatirə günü keçirilib. Anım günündə dahi sənətkarın oğlu, Azərbaycanın Rusiyadakı səfiri Polad Bülbüloğlu ASAN Radioya eksklüziv müsahibə verib: "Neçə il keçsə də, o günlər adamın gözü qabağından gəlib keçir. Bu il Bülbülün 120 illik yubileyi keçirilir. Prezident İlham Əliyev xüsusi sərəncam imzalayıb. Mədəniyyət və Turizm nazirliyi tədbirlər hazırlayır. Mənə bir tərəfdən xoşdur, digər tərəfdən çətindir. Çünki atam dünyadan köçəndə gənc idim, cəmi 16 yaşım vardı. Mən atadan doymadım."

Polad Bülbüloğlu Şuşadan da danışıb:

"Allah ölənlərimizə, şəhidlərə rəhmət eləsin. Gün o gün olsun ki, Bülbülün, Üzeyir bəyin, Natəvanın güllələnmiş abidələri Vətənə - Şuşaya qayıtsın. Hamımıza nəsib olsun ki, Şuşaya yığışaq və həmin abidələri Şuşada bərpa edək. Hər il şuşalılar, qarabağlılar Fəxri Xiyabana gəlir. Son illər Qarabağımız olmadığına görə, elə bil, Bülbülü insanlar Qarabağın rəmzi kimi qəbul edir və doğrudan da elə də var. Mən çox şadam ki, xalqımız öz böyük oğullarını heç vaxt yaddan çıxarmır. "

ASAN Radionun nə vaxt Bülbülün vətəninə qayıdacağıq? - sualına Polad Bülbüloğlu cavab verməyə çətinlik çəkib: "Çox çətin sualdır. Bu suala cavab vermək, çox heyif olsun ki, qeyri-mümkündür."




Xəbər lenti

18 Dekabr
16 Dekabr
15 Dekabr











ASAN Radio telefonunuzda
Facebook