19/10/2017 23:58

Valyuta USD EUR RUB TRY
Kurs 1.7001 2.0000 0.0297 0.4638


Mədəniyyət

Nazir: Ölkəmizə turist axınında 21% artım müşahidə olunur - Eksklüziv/Audio


11.10.2017   18:40


Turizm Şurasının növbəti iclası keçirilib. Şuranın sədri, Mədəniyyət və Turizm naziri Əbülfəs Qarayev iclasda müzakirə olunan məsələlər barədə ASAN Radioya eksklüziv müsahibə verdi, ölkəmizə gələn turistlərlə bağlı statistik rəqəmləri açıqladı.

Nazir dedi ki, Şuranın fəaliyyəti ərzində keçirilən iclaslarda 80-ə yaxın müxtəlif qərar qəbul olunub. Bu qərarlardan 49-u tam olaraq icra olunub, 22-sinin icrası davam edir. Doqquz qərar icrası isə müxtəlif səbəblərdən hələ başlamayıb. Əbülfəs Qarayev yay turizm mövsümünün nəticələri haqqında da geniş məlumat verdi. Bildirdi ki, ötən ilin 9 ayı ilə müqayisədə bu ilin müvafiq dövründə ölkəmizə gələn xarici turistlərin sayı 20,9 faiz artıb: “Bu müddətdə Azərbaycana səfər edən xarici turistlərin sayı 2 milyon 71 min 918 nəfər təşkil edib. Bu ilin ilk yeddi ayında xarici turistlərin ölkəmizdə bank əməliyyatları ötən illə müqayisədə 97 faiz artaraq 703 milyon manatdan çox olub. Ümumilikdə isə cari ilin 8 ayında xarici turistlər ölkəmizdə elektron kart vasitəsilə 1 milyard 300 milyon manat vəsait xərcləyib. Yerli turistlərin 8 ayda xarici ölkələrdə xərclədiyi məbləğ isə 1 milyard 200 milyon manat olub. Son bir neçə il ərzində qurulan turizm infrastrukturunun nəticəsidir ki, hazırda bu sahədə 46 min nəfər çalışır. Bura 60 min nəfərdən çox mədəniyyət sahəsində çalışanları da əlavə etsək, ümumilikdə 100 min nəfərdən çox insan turizm sahəsinə xidmət edir.

Nazir Əbülfəs Qarayev ölkəmizə turist axınında "ASAN visa" sisteminin tətbiqini yüksək qiymətləndirib. Belə ki, hazırda Azərbaycana gəlmək istəyən əcnəbilər cəmi 3 saat ərzində viza əldə edə bilərlər. 

Nazirin müsahibəsindən bir hissəni buradan dinləyin:




Xəbər lenti

18 Oktyabr











ASAN Radio telefonunuzda
Facebook