Futbol üzrə Azərbaycan Premyer Liqasında X tur davam edir.
İkinci oyun günündə iki matç baş tutacaq.
İlk görüş “İnter Arena”da olacaq. Burada “İnter” “Keşlə” adı altında “siftə edəcək”. Rəqib isə sonuncu pillədə qərarlaşan “Kəpəz”dir.
Zaur Svandadzenin rəhbərlik etdiyi kollektiv birinci dövrədə Gəncə təmsilçisini 3:2 hesabı ilə məğlub edib və bu qarşılaşmanın da favoriti hesab edilir. Hazırda 8 xalla 7-ci sırada yer alan “İnter” çempionat matçlarının balansında da rəqibindən üstündür. Bakılılar əvvəlki 27 oyundan 16-da qalib gəlib, 5-də uduzub.
Ümumiyyətlə, son 3 görüşdə meydan sahibi olan tərəf qalib gəlib. Komandalar səfər duelində 9 matçdır qələbə qazana bilmir. “Kəpəz” son 14 oyunda 1 dəfə 3 xala sevinib.
Günün digər dueli iddialılar – 19 xalla ikinci sırada olan “Qəbələ” ilə ondan bir xal və bir pillə geri qalan “Zirə” arasında reallaşacaq. Bu kollektivlərin son 3 qarşılaşmasıda heç-heçə qeydə alınıb. Qəsəbə təmsilçisi ilk dövrədə səfər oyununun 74-cü dəqiqəsində Viktor İqbekoyinin qolu ilə önə keçsə də, Cavid Hüseynov 90+1-ci dəqiqədə hesabı bərabərləşdirib.
“Zirə” 6 oyundur “qırmızı-qaralar”ı məğlub edə bilmir. “Qəbələ” isə 7 matçdır meydanı qolsuz tərk etmir. Zirəlilər əvvəlki 9 oyundan 2-də qalib gəlsə də, 3 dəfə uduzub.
Qeyd edək ki, X tura oktyabrın 29-da keçiriləcək "Neftçi" - "Sumqayıt" qarşılaşması ilə yekun vurulacaq.
Azərbaycan Premyer Liqası
X tur
28 oktyabr (şənbə)
15:00. “İnter” – “Kəpəz”
Hakimlər: Orxan Məmmədov, Elman Musayev, Knyaz Əmiraslanov, Elvin Əsgərov
AFFA nümayəndəsi: Zamiq Hüseynov
Hakim-inspektor: Asim Xudiyev
“İnter Arena”
17:00. “Zirə” – “Qəbələ”
Hakimlər: Fariz Yusifov, Azər Əsgərov, Mübariz Haşımov, Əliyar Ağayev
AFFA nümayəndəsi: Seymur Səlimli
Hakim-inspektor: Vüsal Əliyev
Zirə İdman Kompleksinin stadionu
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!