Niderlandın Neymegen şəhərində dünyanın 50-dən artıq ölkəsindən 300-dən çox məktəblinin iştirak etdiyi Yeniyetmələrin XIV Beynəlxalq Elm Olimpiadası keçirilib. Bu elm yarışında iştirak edən 6 azərbaycanlı məktəblidən 5 nəfəri – Kimya-biologiya təmayüllü Respublika Liseyinin şagirdləri Kənan Ağayev və Əli Əliyev, Ağdaş “İstək” liseyinin şagirdi Fərid Əliyev, Lənkəran “İstək” liseyinin şagirdi Turan Məmmədli, Bakı şəhəri 291 saylı Ekologiya liseyinin şagirdi Turan Bayramlı bürünc medal qazanıblar. Zərifə Əliyeva adına liseyin şagirdi Xaqan Məmmədlini isə medaldan cəmi iki xal ayırıb.
ASAN Radio xəbər verir ki, dekabrın 18-də “Cavan” Gənclər Hərəkatı İctimai Birliyinin ofisində medal qazanmış yeniyetmələrlə görüş təşkil edilib. Onlara daha böyük müvəffəqiyyətlər arzu edən təşkilat üzvləri yeniyetmələri təbrik edib, onların bu uğurunun Azərbaycan gəncliyi üçün böyük nailiyyəti olduğunu qeyd ediblər. Yeniyetmələrə simvolik hədiyyələr təqdim edilib. Olimpiadada iştirak edən komandamızın rəhbəri Elxan Tahirovla bərabər “Cavan”ın qonağı olan yeniyetmələr çay süfrəsi arxasında olimpiada haqqında təəssüratları ilə bölüşüblər.
Azərbaycanlı məktəblilər 2004-cü ildən bu olimpiadada iştirak edirlər və bu vaxtadək 37 medal qazanıblar.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!