20/05/2018 22:04

Valyuta USD EUR RUB TRY
Kurs 1.7000 2.0069 0.0273 0.3806


Dövlət xidmətləri

Nazir: İqtisadiyyat Nazirliyi tərəfindən “ASAN xidmət” mərkəzləri vasitəsilə ötən il sahibkarlara 1646 lisenziya verilib


24.01.2018   18:48


İqtisadiyyat Nazirliyi tərəfindən “ASAN xidmət” mərkəzləri vasitəsilə 2017-ci ildə sahibkarlara 1646 lisenziya verilib. Bunun da 1027-si yeni, 619-u müddətsiz lisenziya ilə əvəz edilib və ya yenidən rəsmiləşdirilmiş lisenziyalardır.

ASAN Radio xəbər verir ki, bu barədə İqtisadiyyat Nazirliyində keçirilən geniş kollegiya iclasında nazir Şahin Mustafayev deyib.

Nazir qeyd edib ki, lisenziyaların verilməsinə başlanıldığı 2015-ci il noyabrın 2-dən indiyədək sahibkarlara ümumilikdə 5 min lisenziya verilib. Bu lisenziyaların 2 min 694-ü yeni, 2 min 306-sı isə müddətsiz lisenziya ilə əvəz edilib və ya yenidən rəsmiləşdirilmiş lisenziyalardır: “Lisenziyalar əsasən əczaçılıq, tikinti-quraşdırma işləri, özəl tibb, tikintisinə icazə tələb olunan və barəsində məlumatlandırma icraatı tətbiq olunan bina və qurğuların layihələndirilməsi, baytarlıq preparatlarının satışı, maye və təbii qaz təsərrüfatı obyektlərinin quraşdırılması, dağ-mədən işləri, dağ və buruq qazmalarının aparılması, təhlükəli yüklərin nəqliyyat vasitəsilə daşınması, təhsil, bitki mühafizə vasitələrinin və aqrokimyəvi maddələrin idxalı, yanğından mühafizə, qaldırıcı qurğuların, metallurgiya avadanlığının, təzyiq altında işləyən qazanların, tutumların quraşdırılması və təmiri, rabitə xidmətləri sahələrinə verilib”.




Xəbər lenti

19 May
18 May













ASAN Radio telefonunuzda
Facebook