Bu gün 54-cü Münhen Təhlükəsizlik Konfransı başlayır.
ASAN Radio xəbərinə görə, konfrans fevralın 16-dan 18-dək davam edəcək.
Konfransda Avropa İttifaqının qlobal oyunçu kimi gələcək rolu, ABŞ-Rusiya münasibətləri, Yaxın Şərqdəki münaqişələr, Fars körfəzi ölkələri arasında pozulan əlaqələr, eləcə də Şimali Koreyanın nüvə proqramı ətrafındakı gərginlik müzakirə ediləcək.
Konfransda BMT-nin baş katibi Antoniu Quterreş, Avropa Komissiyasının rəhbəri Jan-Klod Yunker, Avropa diplomatiyasının rəhbəri Federika Mogerini, NATO-nun baş katibi Yens Stoltenberq, Rusiya xarici işlər naziri Sergey Lavrov, Türkiyə xarici işlər naziri Mövlud Çavuşoğlu, İran xarici işlər naziri Məhəmməd Cavad Zərif, Böyük Britaniyanın baş naziri Tereza Mey, Avstriyanın kansleri Sebastyan Kurts, İsrail hökumətinin rəhbəri Binyamin Netanyahu, Ukrayna prezidenti Petro Poroşenko iştirak edəcək.
Konfransda ABŞ Pentaqon rəhbəri Ceyms Mattis, ABŞ prezidentinin milli təhlükəsizlik məsələləri üzrə köməkçisi Herbert Makmasterin də iştirakı gözlənilir.
Azərbaycan tərəfdən isə tədbirdə xarici işlər naziri Elmar Məmmədyarov iştirak edəcək. Səfər çərçivəsində nazirin Münhen Təhlükəsizlik Konfransında çıxışı və bir sıra ikitərəfli görüşləri nəzərdə tutulu
Forumda ev sahibi Almaniya tərəfdən xarici işlər naziri Ziqmar Qabriel, Almaniya Sosial Demokrat Partiyasının lideri və Almaniya Xarici İşlər Nazirliyinin mümkün yeni rəhbəri Martin Şults iştirak edəcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!