Niderland parlamentinin nümayəndələr palatasının Osmanlı imperiyasında 1915-ci il hadisələrinin soyqırımı kimi tanınması barədə qərarından sonra bu ölkənin Ankaradakı müvəqqəti işlər vəkili Türkiyənin Xarici İşlər Nazirliyinə çağırılıb.
ASAN Radio Anadolu informasiya agentliyinə istinadla xəbər verir ki, diplomata bu qərarla bağlı Türkiyənin narazılığı təqdim olunub.
“Biz niderlandlı siyasətçilərə tarixi siyasətə qatmamağı və Türkiyəyə qarşı qərəzli münasibətə yenidən baxmağı tövsiyə edirik”, - deyə Türkiyə XİN-in nümayəndəsi Hami Aksoy yazılı bəyanatında vurğulayıb.
Qeyd edək ki, fevralın 22-də Niderland parlamentinin aşağı palatasında keçirilən səsvermədə deputatların 142-si qərarın lehinə, 3-ü isə əleyhinə səs verib.
Türkiyə Xarici İşlər Nazirliyinin bu qərarla bağlı bəyanatında 1915-ci il hadisələrinin tarixi faktlara və hüquqi normalara söykəndiyi vurğulanır. “Avropa qanunvericiliyində və Avropa İnsan Hüquqları Məhkəməsində yer alan qərarlar ədaləti ortaya qoyur”, - deyə bəyanatda bildirilir.
Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev KİV-lərə açıqlamasında Niderland Krallığı parlamentinin nümayəndələr palatasının qondarma “erməni soyqırımı” ilə əlaqədar qərarını qərəzli və qeyri-obyektiv adlandırıb. Qeyd edib ki, saxtalaşdırılmış tarixi faktların qərəzli siyasi məqsədlər üçün istifadə edilməsi düzgün deyil.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!