23/10/2018 14:17

Valyuta USD EUR RUB TRY
Kurs 1.7000 1.9474 0.0260 0.2991


Dövlət xidmətləri

Mingəçevirdə “ASAN Həyat” kompleksi fəaliyyətə başlayıb - Yenilənib, FOTOLAR


14.03.2018   14:23


Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Mingəçevir “ASAN xidmət” mərkəzi fəaliyyətə başlayıb.

12 mart 2018-ci il tarixində Mingəçevir “ASAN xidmət” mərkəzinə ilk müraciət qeydə alınıb. Belə ki, İlqar Həsənli Daxili İşlər Nazirliyi tərəfindən həyata keçirilən şəxsiyyət vəsiqələrinin verilməsi və dəyişdirilməsi ilə bağlı müraciət edib və müvafiq xidmətdən yararlanıb.

Mingəçevir “ASAN xidmət” mərkəzi Mingəçevir şəhəri ilə yanaşı, Yevlax, Ağdaş rayonunda qeydiyyatda olan və ümumi sayı 340 000-ə yaxın olan vətəndaşa xidmət göstərir.

Hazırda 13 “ASAN xidmət” mərkəzi mövcuddur. Onlardan 5-i paytaxt Bakıda, digər 8-i isə regional mərkəzlər olmaqla Sumqayıt, Gəncə, Sabirabad, Bərdə, Qəbələ, Quba, Masallı, Mingəçevir şəhərlərində yerləşir.

“ASAN xidmət” mərkəzlərinin fəaliyyəti ilə bağlı ətraflı məlumatı 108 “Çağrı” mərkəzinə zəng etməklə əldə etmək olar.

***

13.02.18

Bu gün KİV nümayəndələrinin iştirakı ilə Mingəçevir “ASAN Həyat” regional kompleksinə tanışlıq səfəri təşkil olunub.

ASAN Radionun xəbərinə görə, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin  informasiya təminatı şöbəsinin müdiri Anar Hüseynov bildirib ki, Mingəçevir “ASAN Həyat” kompleksi fəaliyyət göstərdiyi bir gün ərzində bölgənin 1100-dən çox vətəndaşına xidmət göstərib.

A. Hüseynov bildirib ki, kompleksdə çalışan əməkdaşların sayı 154, könüllülərin sayı isə 45 nəfərdir. Bu mərkəz Mingəçevir şəhərinə, Yevlax və Ağdaş rayonlarında qeydiyyatda olan 337 min 767 vətəndaşa xidmət göstərəcək O, bölgə sakinlərinin “ASAN Həyat” kompleksinin fəaliyyətindən razılıqla, minnətdarlıqla danışmasını ölkə daxilində bu yeni xidmət növünə münasibətin birmənalı şəkildə müsbət olmasının ifadəsi kimi qiymətləndirib.

Mingəçevir regional “ASAN Həyat” kompleksində 10 dövlət orqanı tərəfindən 32 növ xidmət göstərilir. Eyni zamanda, özəl şirkət və müəssisələr tərəfindən, ümumilikdə, vətəndaşlara 250-yə yaxın müxtəlif xidmətlər göstərilir. Bundan əlavə mərkəz 68 növ funksional yardımçı xidmət (bank, sığorta, hüquqi yardım, tərcümə, foto, tibb xidmətləri və başqaları) həyata keçirir.




Xəbər lenti

23 Oktyabr
22 Oktyabr











ASAN Radio telefonunuzda
Facebook