YENİLİKLƏR
Üç əsrin şahidi olan 124 yaşlı Səmərqə Allahverdiyeva 94 saylı Bərdə kənd seçki dairəsinin Xəsili kənd tam orta məktəbində yerləşən 30 saylı seçki məntəqəsinə gedərək səsvermədə iştirak edib.
1894-cü il təvəllüdlü Səmərqa Allahverdiyeva AZƏRTAC-ın bölgə müxbirinə müsahibəsində deyib ki, 7 övladı, 30 nəvəsi, 60 nəticəsi, 9 kötücəsi var. Dəfələrlə prezident, parlament və bələdiyyə seçkilərində iştirak edib. Bugünkü səsverməyə də ailə üzvləri ilə birgə gəlib.
“Sovetlər dövründə traktorçu, qabaqcıl pambıqçı olmuşam. Hər il pambıq becərər, yüksək göstəricilərlə məhsul yığardım. Ulu Öndər Heydər Əliyevlə də pambıq tarlasında görüşmüşəm. Qabaqcıl pambıqçı kimi müxtəlif döş nişanları ilə təltif edilmişəm. Bu gün 124 yaşımda səsvermədə iştirak etdiyimə görə özümü xoşbəxt sanıram. Nə qədər ki, ayağım yer tutur, gəlib səsvermədə iştirak edəcəyəm”, – deyə Səmərqə Allahverdiyeva bildirib.
Qeyd edək ki, 94 saylı Bərdə kənd seçki dairəsi üzrə qeydə alınan seçicilərin 1274-nün yaşı 80-100 arası, 15 seçicinin yaşı isə 100-dən yuxarıdır.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
