“Xızıya içməli suyun verilməsi əlamətdar hadisədir”.
ASAN Radionun məlumatına görə, Azərbaycan Prezidenti İlham Əliyev bunu bu gün “Xızı şəhərində və Altıağac qəsəbəsində içməli su təchizatı sistemlərinin yenidən qurulması və kanalizasiya şəbəkəsinin yaradılması” layihəsinin yekunlaşması ilə bağlı keçirilən mərasimdə ictimaiyyət nümayəndələri ilə görüşdə bildirib.
Dövlət başçısı deyib ki, belə layihələrin reallaşdırılması ölkədə sosial sahədə aparılan uğurlu islahatların göstəricisidir: "Xızıda sosial məsələlər həll edilib. Qazlaşma, elektrik enerjisi təchizatı, kənd yollarının çəkilməsi kimi layihələr uğurla icra olunur. Kənd təsərrüfatının inkişafı və yeni suvarılan torpaqların istifadəyə verilməsi ilə məhsuldarlıq artacaq”.
Prezident İlham Əliyev Azərbaycanda xalqla iqtidar arasında birliyin gündən-günə möhkəmləndiyini vurğulayıb: “Ölkəmizdə iqtisadi inkişaf tam təmin edilib”.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!