USD - 1.7 EUR - 1.9515 RUB - 0.0254 TRY - 0.3115 DAHA ÇOX
SON DƏQİQƏ
AMAL layihəsinə müraciətlər fevralın 15-dək qəbul olunacaq Ümumdünya Səhiyyə Təşkilatı: Azərbaycanda siqaretin qiyməti artırılmalıdır İranın Baş Qərargah rəisi Azərbaycana gəldi  Nigar Həsənzadənin "Запястья" kitabının təqdimatı baş tutacaq - Eksklüziv müsahibə Bu gün nazirlər Parisdə görüşəcək
Xalq artisti Fuad Poladov dəfn olunub - YENİLƏNİB-1

Azərbaycanın xalq artisti Fuad Poladov dəfn olunub.

ASAN Radionun xəbərinə görə, mərhum sənətkarla vida mərasimi başa çatandan sonra cənazə namazı qılınıb.  

Fuad Poladov Bakıdakı "Qurd qapısı" qəbiristanlığında dəfn olunub.

***

10.43

Azərbaycanın xalq artisti Fuad Poladovla vida mərasimi keçirilir.

APA-nın xəbərinə görə, mərhum sənətkarın yaşadığı binanın həyətində yas çadırı qurulub. Vida mərasimində teatr və kino xadmiləri, ictimaiyyət nümayəndələri iştirak edir.

Xalq artisti Rasim Balayev Fuad Poladovun itkisinin onun üçün çox ağır olduğunu deyib: "Böyük sənətkarımızı itirdik. Fuad Poladov Azərbaycan teatrında, kinosunda sütun idi. Bu gün o sütunu itirdik. Bizim teatr və kino sahəsində onun ağılasığmaz zəhmətləri var. Poladov dahi şəxsiyyət kimi yetişmişdi. O sənət aləmi ilə bağlı danışan bəzi ağzıgöyçəklərin cavabını verirdi. Fuad Poladov göstərdi ki, bu sənətdə uğura nail olub, şəxsiyyətini qorumaq mümkündür".

Xalq artsiti Fəxrəddin Manafov Fuad Poladovun onun üçün hər zaman örnək olduğunu bildirib: "Çox ağır gündür. Onun kimi sənətə fədai kimi yanaşan sənətkarı fikrimə gətirə bilmirəm. Onu hamımız çox istəyirdik. Fuad Poladovun itkisi bütün Azərbaycan üçün ağırdır. Ruhu şad olsun".

Xalq artisti Hacı İsmayılov isə deyib ki, Fuad Poladov kimi aktyorun yetişməsi üçün vaxt, zaman lazımdır: "Onun vəfatı xəbəri bütün sənət adamlarını sarsıdıb. Azərbaycan Teatr Xadimləri İttifaqı və Akademik Milli Dram Teatrının rəhbərliyi və kollektivi adından Fuad Poladovun yaxınlarına, ailəsinə və sənət ictimaiyyətinə başsağlığı veririk. Allah ona rəhmət eləsin, ruhu şad olsun. Fuad Poladov Akademik Milli Dram Teatrının səhnəsində çox gözəl obrazlar yaradıb, bu obrazlar hər kəs tərəfindən sevilib".

Ailəsindən bildirilib ki, vida mərasimi 14.00- dək davam edəcək.

Mərhum "Qurd qapısı" qəbiristanlığında dəfn olunacaq.

F. Poladov vida mərasiminin evində keçirilməsini və "Qurd qapısı" qəbiristanlığında dəfn olunmasını özü vəsiyyət edib.

***

10.15

Xalq artisti Fuad Poladov vəfat edib.

Bu barədə APA-ya onun ailəsindən məlumat verilib. Bildirilib ki, F. Poladov mayın 4-də axşam saatlarında dünyasını dəyişib. 

Fuad Poladovun cənazəsi bu gün saat 14:00-da öz evindən götürüləcək. O, “Qurd qapısı” qəbiristanlığında dəfn olunacaq. 

Fuad Poladov 1948-ci il mayın 24-də Bakıda doğulub. Sənətə 1966-cı ildə "İstintaq davam edir" filmində çəkildiyi Səlim rolu ilə gəlib. Azərbaycan Dövlət İncəsənət Universitetinin “Dram və kino aktyorluğu” fakültəsini bitirib (1967-1972). Sənət müəllimi Tofiq Kazımovun dəvəti ilə tələbə ikən Akademik Milli Dram Teatrında hazırlanan İlyas Əfəndiyevin "Məhv olmuş gündəliklər" pyesinin tamaşasında Savalan rolunu oynayıb. Premyerası 1969-cu il noyabrın 29-da göstərilən tamaşadan sonra teatrın aktyor truppasına daxil olub. 

20 mart 1987-ci ildə "Azərbaycanın xalq artisti" fəxri adını alıb. 

Fuad Poladov 50-ə yaxın filmdə və tamaşada müxtəlif rolları böyük sənətkarlıqla ifa edib. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio