ABŞ xüsusi xidmət orqanları Aralıq dənizində itkin düşən “EgyptAir” təyyarəsinin göyərtəsində partlayıcı qurğunun işə salındığını ehtimal edirlər. “Reuters”in verdiyi məlumata görə, bu barədə ABŞ xüsusi xidmət orqanlarındakı  mənbədən bildirib.

Məlumata görə, əldə olunan ilkin məlumat bombanın partladığını ehtimal etməyə əsas verir. ABŞ xüsusi xidmət orqanları Fransa və Misirin müvafiq qurumları ilə əməkdaşlıq edərək kəşfiyyat məlumatlarının mübadiləsini həyata keçirir.  ABŞ prezidentinin Ağ Evdəki məsləhətçisi Ben Rods hökumətin hələlik Misir təyyarəsi ilə əlaqədar rəsmi versiyaya sahib olmadığını bildirib.

Misirin paytaxtına fransız mütəxəssislərdən ibarət araşdırma briqadası gəlib. Onların qəzanın səbəblərini araşdıracağı bildirilir. İtmiş sərnişinlərin yaxınlarının da artıq Qahirədə olduğu deyilib.

Misirin “EgyptAir” Hava Yollarına məxsus sərnişin təyyarəsinin qalıqları Yunanıstanın Karpatos adasının cənubunda tapılıb.

Məlumata görə, Yunanıstan axtarış və xilasetmə xidmətinin əməkdaşları təyyarənin radarlardan itdiyi yerin 50 mil cənub şərqində dənizin üzərində üzərində iki obyekt görüb.

İki böyük plastik obyekti Krit adasından 230 mil cənubda yunan freqatı aşkar edib. Obyektin ağ və qımızı rənglərdə olduğu deyilir.

Yunanıstan Silahlı Qüvvələri təyyarənin qalıqlarının tapılması faktını təstiqləyib.

“Təyyarənin qalıqları Qahirə reysi ilə əlaqənin kəsildiyi ərazidə tapılıb. Misirin C-130 təyyarəsinə aid olduğu deyilən abyektlər tədqiq olunması üçün məhkəmə ekspertizaya göndəriləcək”, - deyə ordu nümayəndəsi Vasilisa Belestotisa məlumat verib