Kənd Təsərrüfatı Nazirliyi yanında "Aqrolizinq" Açıq Səhmdar Cəmiyyətinin (ASC) qarşısında konkret tapşırıqlar qoyulub. Əsas tələblərdən biri odur ki, biz yerlərdə görüşlər keçirməli, kəndli və fermerlərin qarşılaşdıqları problemlərin araşdırılması ilə birbaşa məşğul olmalıyıq. Bu gün Xaçmazda keçirilən görüşdə də təsərrüfat sahiblərinin söylədikləri çətinliklər, eləcə də təkliflər qeydə alındı. Biz bununla bağlı araşdırma aparacağıq və çalışacağıq görüşlərimiz səmərəli olsun.
ASAN Radio AZƏRTAC-a istinadla xəbər verir ki, bu sözləri "Aqrolizinq" ASC-nin yeni təyin olunan sədri Seymur Mövlayev mayın 14-də Xaçmazda fermer və təsərrüfatçılarla görüş zamanı jurnalistlərə açıqlamasında bildirib.
“Aqrolizinq” ASC-nin Xaçmaz regional nümayəndəliyində keçirilən görüşdə kənd təsərrüfatı sahəsində əsas fəaliyyət istiqamətlərindən danışılıb. Bildirilib ki, kəndli və fermerlərin qarşılaşdıqları problemlərin araşdırılaraq həlli yollarının tapılmasında onlara yaxından kömək göstəriləcək.
Fermerlər daha çox kənd təsərrüfatı texnikalarının ehtiyat hissələrinin, təmir sexlərinin çatışmazlığı, dərman və pestisidlərin keyfiyyətinin aşağı olmasından narahatlıqlarını dilə gətiriblər. Rayonun qabaqcıl təsərrüfatçıları texnikaların istismarı sahəsində ixtisaslı kadrların azlığını da qeyd ediblər.
Seymur Mövlayev bildirib ki, qısa müddətdə 23 rayonda fermerlərlə və müvafiq qurumların nümayəndələri ilə görüşlər keçirilib. Yerlərdə fermer və təsərrüfatçılarla görüşlər bundan sonra da mütəmadi təşkil olunacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!