ASAN Radio dövlət xidmətləri sahəsində ixtisaslaşan ilk və yeganə radiodur. Faydalı məlumat dalğası. Artıq bu dalğanı respublikanın əksər rayonlarında dinləmək mümkündür.

Faydalı məlumat dalğası həm də faydalı işlərlə gündəmdədir. Söhbət gələcəyin media işçilərini yetişdirməkdən gedir.

ASAN Radio sosial mediada fəallığı ilə seçilir. İnternet üzərindən canli efirlər, audio və videoreportajlar ASANı fərqləndirən əsaslardandır.

Radionun baş redaktorunun sözlərinə görə, ASANı digərlərindən fərqləndirən vacib xüsusiyyətlərdən biri də istinad mədəniyyətidir.

Adının ASAN olmağına baxmayaraq işi olduqca çətin və maraqlı olan radioda təcrübəli əməkdaşlarla yanaşı gənclər də çalışır. Amma təbii ASANın çətinlikləri təcrübəlilərin çiyinlərindədir.

ASAN Radioda prioritet yalnız dövlət xidmətləri sahəsində ixtisaslaşma və milli musiqi deyil. Eyni zamanda beynəlxalq layihələrin reallaşmasıdır. Məsələn, Avropa İttifaqının dəstəyi və ADA-nın bələdçiliyi ilə Avropadasan, BMT-nin Azərbaycan nümayəndəliyi ilə birgə qlobal məqsədlər, “British council”la əməkdaşlıq çərçivəsində “Obla Air” və Böyük Britaniyanın dünyada tanınmış şousu “Selector” ASAN Radio ilə əməkdaşlıq formatında 100 fm dinləyicilərinə təqdim olunur. 

Beynəlxalq layihələr çərçivəsində mənim ən çox sevdiyim isə TRT Radiosu ilə birgə qurulan radiokörpüdür. Hansi ki, aparıcısı indi müsahibimdir.

ASAN Radio həm də bir sıra irimiqyasli yarışların, tədbirlərin sərgilərin eksklüziv radio tərəfdaşıdır. Ən əsası isə bu tərəfdaş yol boyu dinlədiyimiz, dinlədikcə öyrəndiyimiz və dincəldiyimiz qulaq yoldaşıdır.