USD - 1.7 EUR - 1.923 RUB - 0.0257 TRY - 0.3219 DAHA ÇOX
SON DƏQİQƏ
Moskvada Azərbaycan və çeçen ağsaqqallarının görüşü keçirilir Səhiyyə naziri Oqtay Şirəliyev ATU-da yeni Tədris Mərkəzinin açılışında iştirak edib Əmək və əhalinin sosial müdafiəsi nazirinin yeni müavini təyin olunub Beynəlxalq Münasibətlərin Təhlili Mərkəzinə rəhbər təyinatı olub “Kərgədan buynuzu” tamaşası nümayiş olunub
Muğam Mərkəzində dünya şöhrətli “New life Brass” kvintetinin konserti keçirilib

Sentyabrın 19-da Beynəlxalq Muğam Mərkəzində Üzeyir Hacıbəyli adına X-cu Beynəlxalq Musiqi Festivalı çərçivəsində dünya şöhrətli T.Dokşitser adına “New life Brass” kvinteti  konsert proqramı ilə çıxış edib.

ASAN Radio xəbər verir ki, festival Heydər Əliyev Fondunun və Mədəniyyət Nazirliyinin təşkilatçılığı ilə reallaşıb. 

Bu ilki Üzeyir Hacıbəyli adına X-cu Beynəlxalq Musiqi festivalında Rusiya, ABŞ, Türkiyə, İtaliya və Slovakiyadan tanınmış musiqiçilərin və kollektivlərin – T.Dokşitser adına “New life brass” kvintetin, “Dədə Qorqud” kamera orkestrinin, Murad Kajlayevin, Murad Annamamedovun, Sergey Rolduginin, Pavel Milyukovun, Azər Dəmirovun, Fərhad Aşumovun və başqalarının iştirakı ilə tədbirlərin keçirilməsi nəzərdə tutulmuşdur.

T.Dokşitser adına “New Life Brass” mis nəfəs alətləri ansamblı 2009- cu ildə yaradılmışdır. Ansamblın ifaçıları Qnesin adına Rusiya Musiqi Akademiyasını bitirmiş yüksək səviyyəli musiqiçilərdir. Kollektivin repertuarı klassik, caz və müxtəlif janrlı əsərləri əhatə edir. Ansambl Moskvada və müxtəlif ölkələrdə çıxış edərək uğurlar qazanmışdır. 2009-cu ildə Sank-Peterbruqda, 2011- ci ildə isə Moskvada keçirilən beynəlxalq müsabiqələrdə Qran-Pri mükafatına layiq görülmüşdür. 2014-cü ildə Moskvada hökuməti tərəfindən “Ən yaxşı layihə” mükafatını qazanmışdır.2012-ci ildən ansambl görkəmli truba ifaçısı Timofey Dokşitserin adını daşıyır.

Beynəlxalq Muğam Mərkəzində reallaşan “New life Brass” mis nəfəs alətləri ansamblının üzvləri trubada  Evgeniy Quryev,Maksim Stoda, valtornada Vladimir Mezentsev,trombonda Ramil Axmadulin, tubada  Maksim Makuşev İ.S.Baxın, C.Puççininin, V.A.Motsartın, J.Kosmanın, R.Andersonun, K.Qardelin, K.Consun əsərlərini ifa ediblər.

Tamaşaçılar “New life Brass” kvintetinin ifalarını maraqla qarşılayıblar.

Sentyabrın-20-də saat 19:00-da Beynəlxalq Muğam Mərkəzində Üzeyir Hacıbəyli adına X-cu Beynəlxalq Musiqi Festivalı çərçivəsində  “Zirvəyə doğru” adlı kamera musiqisi gecəsi keçiriləcək.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio