YENİLİKLƏR
Azərbaycan internet yayımına görə MDB və Cənubi Qafqaz respublikaları arasında birinci yerdədir.
Beynəlxalq Telekommunikasiya İttifaqı dünyada internetin yayımı ilə bağlı bir sıra ölkələrdə “State of Broadband Report 2018” sorğusu keçirib.
Sorğunun nəticələrinə görə, MDB ölkələri arasında internetin ən çox əhatə olunduğu ölkə Azərbaycandır – 79 faiz. İkinci yerdə 76,4 faizlə Qazaxıstan, üçüncü yerdə 76 faizlə Rusiya dayanır. Gürcüstanda isə bu rəqəm 60,4 faizdir.
Keçmiş sovet ölkələri sırasında isə Estoniya 88 faizlə liderdir. Qurumun sorğularına əsasən internetin ən çox yayıldığı ölkələr sırasında Lixtenşteyn 98,1 faizlə birinci yerdədir. Sonrakı yerləri 98 faizlə Küveyt, İslandiya bölüşürlər. Norveç, İsveç, İsveçrə, Bəhreyn, Britaniya, Cənubi Koreya və Hollandiya ilk onluqda qərarlaşıb.
Qeyd edək ki, Beynəlxalq Telekommunikasiya İttifaqı telekommunikasiya sahəsində 193 ölkəni əhatə edir və onun bu ölkələrdə 800 şirkət və kompaniyası var.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
