Rusiyanın Anapa şəhərində yeniyetmə boksçular arasında Avropa birinciliyinə start verilib. Otuz bir ölkənin təmsil olunduğu yarışın birinci günündə Azərbaycan millisinin iki üzvü rinqə çıxıb.
Azərbaycan Boks Federasiyasından AZƏRTAC-a bildiriblər ki, idmançılarımızdan Əli Zamanov (48 kq) Ermənistan təmsilçisi Hayk Alaberkyan ilə üz-üzə gəlib. Qarşılaşmada rəqibinə heç bir şans verməyən Ə.Zamanov 5:0 hesabı ilə qələbə qazanıb. İdmançımız səkkizdəbir finalda Rusiyanı təmsil edən Eduard Voskanyan ilə qarşılaşacaq.
Ə.Zamanovdan fərqli olaraq Zeynəb Rəhimovanın (57 kq) debütü uğurlu alınmayıb. Həmyerlimiz ingiltərəli Saca Hikkiyə 0:5 hesabı ilə məğlub olub.
Yarışın ikinci günündə Ə.Zamanov ilə yanaşı, daha 5 boksçumuz qüvvəsini sınayacaq. Əzrək Bəbirov (54 kq) çexiyalı Dominik Stepanek, Turğay Mirzəyev (57 kq) serbiyalı Branko Zeremski, Eldar Babayev (60 kq) belaruslu Yan Krukovski, Elmir Novruzov (63 kq) şotlandiyalı Cey Delaney və Mehman Quliyev (70 kq) monteneqrolu Miloş Krasniçi ilə görüşəcəklər.
Avropa birinciliyinə oktyabrın 16-da yekun vurulacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!