Britaniya Şurasının Azərbaycan üzrə ölkə direktoru Samr Şah və tanınmış britaniyalı DJ Goldierocks ASAN Radioda qonaq oldular. Radiomuza eksklüziv açıqlamalar verdilər.

Qeyd edək ki, Britaniya Şurası, ASAN Radio və YARAT Müasir İncəsənət Məkanının əməkdaşlığı ilə 2019-cu ilin 15 fevral tarixində YARAT mərkəzində "Selector PRO" seminarı təşkil olunub. 

ASAN Radio xəbər verir ki, "Selector PRO" seminarı Birləşmiş Krallığın və Azərbaycanın ən yaxşı DJ-lərini bir araya gətirir.

Tanınmış britaniyalı DJ Goldierocks (Samanta Luis Holl) intensiv təlim keçib. Tədbirin informasiya tərəfdaşı ASAN Radiodur.

Bundan başqa,"Pasifico" restoranında Bazaur və Murad H kimi DJ-lərin təqdimatında, "Goldierocks"un iştirakı ilə "Selector LIVE" əyləncə gecəsi keçiriləcək.

"Selector LIVE" əyləncə gecəsi Britaniya Şurasının Azərbaycan Respublikasındakı fəaliyyətinin 25-ci ildönümünə həsr olunub. 

"Selector PRO" həm peşəkarları, həm də geniş ictimaiyyəti müasir cəmiyyətin musiqi tendensiyaları, o cümlədən Böyük Britaniyanın musiqi sənayesinin spesifik xüsusiyyətləri barədə maksimal dərəcədə məlumatlandırmaq məqsədi daşıyır.  Tədbir Britaniya Şurasının təşəbbüsü ilə hazırlanmış, Birləşmiş Krallığın yeni və ən yaxşı musiqi nümunələrini Azərbaycan auditoriyasına təqdim etmək məqsədi daşıyan radio-şounu və silsilə "Selector Live" əyləncə gecələrini özündə ehtiva edən "Selector" musiqi proqramının nəticəsi hesab edilir. 

Canlı DJ performansı ilə müşayiət olunan "Selector LIVE" əyləncə gecəsinə giriş pulsuzdur. 

"Selector LIVE" əyləncə gecəsi üçün aşağıdakı ünvanda qeydiyyatdan keçə bilərsiniz:

www.britishcouncil.az/en/programmes/arts/selector-live