Qırğızıstan Prezident Sooronbay Jeenbekov Türkdilli Dövlətlərin Əməkdaşlıq Şurasının (Türk Şurası) 7-ci iclasında iştirak etmək üçün Bakıya rəsmi səfərə yola düşüb.
ASAN Radio xəbər verir ki, bu barədə Qırğızıstanın dövlət başçısının mətbuat xidməti məlumat yayıb.
Jeenbekov Türk Şurasının iclasında iştirak etməklə yanaşı, Bakıya səfər edəcək digər ölkələrin liderləri ilə də bir sıra görüşlər keçirəcək.
Səfərdə Qırğızıstan liderini xarici işlər naziri Çingiz Aydarbekov, iqtisadiyyat naziri Sanjar Mukanbetov, maliyyə naziri Baktıgul Jeenbayev, mədəniyyət, informasiya və turizm naziri Azamat Jamankulov, həmçinin Prezident Aparatının xarici siyasət şöbəsinin müdiri Daniyar Sadıqov müşayət edir.
Sooronbay Jeenbekovun bu gün Azərbaycan Prezidenti İlham Əliyevlə ikitərəfli görüşü planlaşdırılır.
Bundan əlavə, Qırğızıstan rəhbəri Qazaxıstanın ilk prezidenti Nursultan Nazarbayevlə, Türkiyə Prezidenti Rəcəb Tayyib Ərdoğanla da görüşəcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!