“Koronavirusun İrandan Azərbaycana yayılma ehtimalı yox dərəcəsindədir”.
Bunu Azvision.az -a açıqlamasında Azərbaycanın baş infeksionisti Cəlal İsayev bildirib.
Onun sözlərinə görə, virus kütləvi şəkildə yayılmadığına görə Azərbaycan üçün təhlükə yoxdur: "İranda bu virusa yoluxan insanlar ölkədə başqalarını yoluxdurmayıblar. Çünki onlar nəzarətdə saxlanılır. Qonşu ölkədə virusun aşkarlanması o demək deyil ki, başqa regionlara da yayıla bilr. Gərək İranda kütləvi formada yayılsın ki, onlardan da bizə keçsin. Belə ehtimal olmadığına görə, bizim üçün təhlükəli deyil”.
Baş infeksionist əlavə edib ki, təkcə İrana deyil, virusun yayıldığı ölkələrə gedənlər bununla mübarizə aparmalıdırlar: “Əllər müntəzəm yuyulmalı, yeyilən qidalara diqqət yetirilməli, insanların çox olduğu yerlərdən uzaq durulmalıdır. Yalnz koronavirusla deyil, digər viruslardan da qorunmaq lazımdır. İnsanlar şübhələndikləri adamlarla təmasdan çəkinməlidirlər”.
Qeyd edək ki, ötən gün İranda koronavirusa yoluxan iki nəfər dünyasını dəyişib. Ölümcül virusun qonşu ölkədə aşkarlanması Azərbaycan üçün də təhlükəli hesab edilir.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!