Avropa Şurasının (AŞ) baş katibi Turbyorn Yaqland İrəvanda baş verənlərdən narahatçılığını ifadə edib.
"Report" xəbər verir ki, bu barədə baş katibin bəyanatında deyilir.
"Mən AŞ üzvü olan Ermənistanda baş verən hadisələri həyəcanla izləyirəm. Orada artıq bir neçə gündür ki, silahlı dəstə İrəvanın polis bölməsində insanları girov saxlayır. Xatırlatmaq istərdim ki, qanunun aliliyi prinsipini əsas tutan ölkələrdə bütün münaqişələr demokratik norma və standartlara riayət olunmaq şərti ilə siyasi dialoq yolu ilə həll edilməlidir", - deyə Yaqland bildirib.
Yaqland bütün münaqişə tərəflərini "bu təhlükəli vəziyyətə son qoymağa və demokratik vasitələrin tətbiqinə qayıtmağa" çağırıb.
"Demokratiya, insan haqları və qanun aliliyi qələbə çalmalı, sərbəst toplaşmaq azadlığına tam riayət olunmalıdır", - deyə Yaqland bildirib.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!