YENİLİKLƏR
Avqustun 30-da, gecə saat 02.00 radələrində Gürcüstanın baş naziri Giorgi Kvirikaşvili Marneuliyə səfər edib.
ASAN Radio APA-ya istinadən xəbər verir ki, hökumət rəhbəri Sadaxlı kəndindəki toy mərasimində zəhərlənən azərbaycanlıların yerləşdirildiyi xəstəxanaya baş çəkib. O, zəhərlənmənin səbəbi ilə maraqlanıb. Baş nazirə məlumat verilib ki, toyda hazırlanan yeməklərdən nümunələr götürülüb və yaxın günlərdə səbəb müəyyənləşdiriləcək. “Biz insanları bu vəziyyətdən çıxaracağıq. Səhiyyə Nazirliyi bu işlə məşğul olur. Yerli klinikalarda səfərbərlik elan olunub. Mən xəstələri ziyarət etdim. Həkimlərin dediyinə görə, vəziyyət o qədər də təhlükəli deyil”, - deyə G. Kvirikaşvili jurnalistlərə açıqlamasında bildirib.
Qeyd edək ki, Marneuli xəstəxanası zəhərlənmə əlamətləri ilə 150 nəfəri qəbul edib. Xəstələr Tiflis və Rustavi xəstəxanalarına da göndərilib. Kütləvi zəhərlənmənin qida və ya içkidən qaynaqlandığı güman edilir.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
