Bişkekdə Müstəqil Dövlətlər Birliyi Xarici İşlər Nazirləri Şurasının iclası keçirilib.
ASAN Radio xəbər verir ki, iclasda Azərbaycanı xarici işlər nazirinin müavini Xələf Xələfov təmsil edib.
Tədbirdə Birliyin 25 illiyi ilə bağlı Birgə Bəyanatın layihəsi bəyənilib.
Yığıncaq iştirakçıları 2017-2019-cu illərdə terrorizmlə mübarizə sahəsində Əməkdaşlıq Planı və 2020-ci ilə qədər kibercinayətlərlə mübarizədə əməkdaşlıq məsələlərini də müzakirə ediblər.
İclasda Azərbaycanın Gəncə şəhərinin MDB-nin yeni mədəniyyət paytaxtı elan edilməsi, ölkələr arasında humanitar sahədə əlaqələrin dərinləşdirilməsi üçün bir sıra sənədlər də müzakirə olunub, MDB ölkələrinin regionlararası əməkdaşlığın inkişafı məsələlərinə toxunulub.
Tədbirdə MDB ölkələri arasında çoxplanlı qarşılıqlı əlaqələrin genişləndirilməsi məsələləri də müzakirə edilib, aktual beynəlxalq məsələlər ətrafında fikir mübadiləsi aparılıb. Ümumiyyətlə, Şuranın iclasında 16 məsələyə baxılıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!