YENİLİKLƏR
“Bakı və Abşeron yarımadasındakı Zığ, Masazır və Qaraçuxur sürüşmə sahələrində aktivlik müşahidə olunur”. ASAN Radio xəbər verir ki, bunu APA-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.
Onun sözlərinə görə, son günlər yağan yağışlar nəticəsində əksər sürüşmə sahələrində aktivləşmə qeydə alınıb.
Ə. Qaralov bildirib ki, yağışlarla əlaqədar Bakı-Şamaxı avtomobil yolunun 106-111-ci kilometrində ə Bakı-Ağsu magistral avtomobil yolunun 132-156-cı km-də müəyyən uçqunlar olub.
Ekspedisiya rəisi qeyd edib ki, Muğanlı-İsmayıllı avtomobil yolunun müxtəlif km-də mövcud çatlarda həm ağır tonnajlı maşınların hərəkəti, həm də atmosfer yağıntılarının təsiri nəticəsində genişlənmələr müşahidə edilir: “Eyni zamanda, cənub bölgəsində - Lənkəran-Lerik yolunun 17-19-cu km, 27-29-cu km, 45-47-ci km-də əvvəllər yolda bərpa işləri görülərkən yamacların kəsilməsinin təsirindən müəyyən uçqunlar baş verib”.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
