Polşanın paytaxtı Varşava şəhərində beynəlxalq mədəniyyət festivalı keçirilib.
Diasporla İş üzrə Dövlət Komitəsindən ASAN Radioya bildiriblər ki, “Varşava mozaikası” adlı tədbirdə ölkəmizi Polşada Azərbaycanlı Gənclər Şurası təmsil edib.
Festival zamanı qonaqlara Azərbaycanın milli yeməkləri, ləziz şirniyyatları, ölkəmizin istehsalı olan şirələr təklif edilib.
Polşada Azərbaycanlı Gənclər Şurasının sədri Nail Əhməd bildirib ki, festivalda Azərbaycanın mədəniyyəti, incəsənəti, turizmini özündə əks etdirən jurnallar və bukletlər də paylanılıb. Bu ölkədə yaşayan həmvətənlərimizin ifasında canlı musiqi və milli rəqslər alqışlarla qarşılanıb. Bundan başqa, Azərbaycan haqqında məlumat stendi qurulub. Təşkilatın rəhbərlərindən olan Rəsul Məmmədov festivala gələn yerli media nümayəndələrinə Azərbaycan haqqında məlumat verib.
Avropa Gənclər Evinin təşkilatçılığı ilə keçirilən “Varşava mozaikası” beynəlxalq mədəniyyət festivalında Azərbaycandan başqa Polşa, Ukrayna, Qazaxıstan, Belarus, Gürcüstan və Moldova da təmsil olunub.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!