Neft İxrac edən Ölkələr Təşkilatı (OPEC) və qeyri-OPEC üzrə xam neft hasilatçısı ölkələrin nümayəndələrinin növbəti yığıncağının aprelin 17-də Qətərin paytaxtı Dohada keçiriləcəyinin açıqlanması, ABŞ Federal Ehtiyat Sisteminin (FES) mart yığıncağında faiz dərəcəsinin artırılmaması fonunda birjalarda “qara qızıl”ın qiymətində maksimum bahalaşma müşahidə olunur.
AZƏRTAC xəbər verir ki, səhər saatlarında 40,50 dollar olan “Brent” neftinin bir barreli hazırda Londonun İCE birjasında 41,46 dollara, “Layt” nefti isə Nyu-Yorkun NYMEX birjasında 39,53 dollara satılır. Bu, “Layt”ın təxminən 3,5 ayda ən baha qiymətidir.
Analitiklərin neft təklifi ilə bağlı mühüm əhəmiyyət kəsb edən yığıncağın tarixinin açıqlanmasının bazardakı qeyri-müəyyənliyi aradan qaldırdığını qeyd edərək bu prosesin “qara qızıl”ın qiymətlərinin bahalaşmasında əsas faktor olduğunu bildiriblər.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!