Mədəniyyət və incəsənət ixtisasları qrupunda ixtisasların sayı 2 dəfəyə qədər artırılıb. Ali təhsilin magistratura səviyyəsi üzrə ixtisasların sayı artırılıb.
Nazirlər Kabineti “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”na dəyişiklik edib.
ASAN Radionun APA-ya istinadən verdiyi məlumatına görə, dəyişikliyə əsasən ali təhsilin magistratura səviyyəsi üzrə ixtisasların sayı artırılıb.
Mədəniyyət və incəsənət ixtisasları qrupuna “İnstrumental ifaçılıq (musiqi alətləri üzrə)”, “Xanəndəlik”, “ Vokal ifaçılığı (sahələr üzrə)”, “Aşıq sənəti”, Dirijorluq (növlər üzrə)”, “Bəstəkarlıq”, “Musiqi tarixi”, “Musiqi nəzəriyyəsi”, “Populyar musiqi və caz ifaçılığı”, “Xalq çalğı alətləri ifaçılığı (musiqi alətləri üzrə)”, “Aktyor sənəti (sahələr üzrə)”, “Dekorativ sənət (sahələr üzrə)”, “Rejissorluq (sahələr üzrə)”, “Operator sənəti (sahələr üzrə)”, “Rəngkarlıq (sahələr üzrə)” , “Qrafika (sahələr üzrə)”, “Heykəltəraşlıq” və “Dizayn (sahələr üzrə)”ixtisasları əlavə edilib. Texniki və texnoloji ixtisaslar qrupuna isə neft-qaz mühəndisliyi üzrə “Yatağın qiymətləndirilməsi və idarə olunması”, kimya mühəndisliyi üzrə “Neft və qaz texnologiyası” ixtisasları əlavə edilib.
Beləliklə, ali təhsilin magistratura səviyyəsi üzrə mədəniyyət və incəsənət ixtisasları qrupunda ixtisasların sayı 2 dəfəyə qədər artırılıb. İndiyə qədər bu qrup üzrə ali təhsilin magistratura səviyyəsində cəmi 46 ixtisas olub. Dəyişikliyə əsasən bu qrupp üzrə 18 yeni ixtisas yaradılıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!