USD - 1.7 EUR - 2.0722 RUB - 0.0237 TRY - 0.2017 DAHA ÇOX
SON DƏQİQƏ
Prezident İlham Əliyev və birinci xanım Mehriban Əliyeva Füzuli rayonuna səfərə gəliblər Prezident şəhid jurnalistləri təltif etdi Prezident Bosniya və Herseqovinada səfirliyin təsis edilməsi haqqında qanunu təsdiqləyib   Prezident İlham Əliyev 10 ölkənin Azərbaycanda yeni təyin olunmuş qeyri-rezident səfirlərinin etimadnamələrini qəbul edib   Prezident İlham Əliyev İtaliyanın Azərbaycanda yeni təyin olunmuş səfirinin etimadnaməsini qəbul edib  
5 min manatı sahibinə qaytaran məktəbliyə təhsil nazirinin mükafatı təqdim olunub

Bu günlərdə Sahib İsgəndərov adına Əyyublu kənd tam orta məktəbin 8-ci sinif şagirdi Abbasov İdris Zaur oğlunun nəcib hərəkəti - tapdığı 5 min manatı sahibinə qaytarması kütləvi-informasiya vasitələrində və sosial şəbəkələrdə geniş işıqlandırıldı.

ASAN Radio AZƏRTAC-a istinadla xəbər verir ki, bu nəcib hərəkəti yüksək dəyərləndirən təhsil naziri Ceyhun Bayramovun tapşırığı ilə mayın 2-də məktəbdə nazirliyin, məktəbin pedaqoji kollektivinin və rayon Təhsil Şöbəsinin əməkdaşlarının iştirakı ilə tədbir keçirilib.

Təhsil Şöbəsinin müdiri Validə Hüseynova tədbiri açaraq məktəbli İdris Abbasovun bu nəcib hərəkətini alqışlayıb, onun valideynlərinə və müəllimlərinə təşəkkürünü bildirib.

Nazir Ceyhun Bayramovun adından valideynləri və məktəbin kollektivini təbrik edən Təhsil Nazirliyinin informasiya şöbəsinin əməkdaşı Jalə Məmmədova “Təşəkkürnamə”ni, planşeti və kitabları İdris Abbasova təqdim edib.

Məktəbin direktoru Nizami Məmmədov və sinif rəhbəri Nüşabə Əhmədova İdrisin məktəbin ən tərbiyəli şagirdlərindən biri olduğunu söyləyiblər.

İdrisin babasının qardaşı Ramiz Çıraqlı göstərilən diqqət və qayğıya görə Təhsil Nazirliyinə və rayon Təhsil Şöbəsinə, məktəbin kollektivinə minnətdarlıq edib.

Bütün gənclər üçün örnək olan nümunəvi davranış nümayiş etdirən 8-ci sinif şagirdi İdris Abbasov AZƏRTAC-a bildirib ki, hər bir məktəbli belə halla qarşılaşarsa, onun kimi edər. Çünki həmin pul başqasına aiddir.

Qeyd edək ki, məktəbli pulun sahibi tərəfindən təklif olunan mükafatdan da imtina etmişdi.

 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!
© 2018 ASAN Radio