USD - 1.7 EUR - 2.0621 RUB - 0.023 TRY - 0.2013 DAHA ÇOX
SON DƏQİQƏ
ABŞ Prezidentinin Milli Təhlükəsizlik məsələləri üzrə müşaviri Prezident İlham Əliyevə zəng edib   Qəbələdə yol tikintisi üçün 5 milyon manat ayrılıb   Qəbələnin Nic qəsəbəsində yeni məktəb tikiləcək Azərbaycan və Qazaxıstan prezidentləri arasında telefon danışığı olub “ASAN xidmət”in fəaliyyəti barədə Astana Dövlət Qulluğu üzrə Regional Mərkəzinin jurnalında məqalə dərc olunub
“Rəqəmsal idarəetmədə süni intellekt” mövzusunda beynəlxalq konfrans davam edir

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzinin təşkilatçılığı ilə rəqəmsal formatda baş tutan “Rəqəmsal idarəetmədə süni intellekt” (AIFORDIGIGOV) mövzusunda beynəlxalq konfrans davam edir. Tədbirin ikinci günündə ADA Universitetinin prorektoru Fariz İsmayılzadənin moderatorluğu ilə keçirilən “Gələcəyi birlikdə şəkilləndirək” mövzusunda açılış nitqlərində Dövlət Agentliyinin sədr müavini Ceyhun Salmanov və “Türksat”ın direktoru Hasan H. Ertok çıxış ediblər.

Dövlət Agentliyinin sədr müavini Ceyhun Salmanov “ASAN xidmət” modeli haqqında söhbət açıb. İlkin mərhələdə ayrı-ayrı məkanlarda təqdim edilən xidmətlərin bir mərhələyə toplandığını bildirən sədr müavini hazırki mərhələdə bir məkandan təqdim edilən xidmətlərdən fasiləsiz xidmətlərə keçidin təmin edildiyini vurğulayıb. Nümunə olaraq reaktiv xidmətlərdən proaktiv xidmətlərə keçidi həyata keçirən “myGov” şəxsi kabinet əsaslı elektron hökumət platforması göstərilib. Süni intellekt mövzusunda toxunan Ceyhun Salmanov yeni nəsil texnologiyalar vasitəsilə gündəlik işlərin avtomatlaşdırılması sayəsində qərar verməyə daha çox zamanın olacağını vurğalayıb.

PAŞA Holdinq, Azərbaycan Beynəlxalq Bankı, “BesComp” və bp şirkətlərinin maliyyə dəstəyi ilə həyata keçirilən konfrans dünya şöhrətli alim Lütfi Zadənin əziz xatirəsinə həsr olunur.

Günün birinci yarısında iki panel müzakirəsi təşkil olunub. Lütfi Zadə Texnologiya Mərkəzinin direktoru İmran Bağırovun moderatorluğu ilə keçirilən “Süni intellektin etikası” mövzusunda ilk panel müzakirəsində Avropa Şurasının Süni İntellekt üzrə Komitəsinin sədri Qreqor Strojin, “Microsoft”un Mərkəzi və Şərqi Avropa Bölgəsindəki 24 ölkə üçün Milli Texnologiya Siyasətləri və Strategiyaları direktoru Mixail Şmelev və “OdiseIA”ın prezident və təsisçisi Idoia A. Salazar çıxış ediblər.

Kanada təbii sərvətlər departamentinin nümayəndəsi Vik Pantın moderatorluğu keçirilən “Süni intellekt üzrə dövlət strategiyaları” mövzusunda panel müzakirələrində Nəqliyyat, Rabitə və Yüksək Texnologiyalar Nazirliyinin innovasiyalar və rəqəmsal inkişaf şöbəsinin müdiri Rəşad Əzizov, “e-Estonia” brifinq mərkəzinin rəqəmsal transformasiya məsləhətçisi Anet Numa və “AI Singapore”un direktor müavini Sengmeng Koo çıxış ediblər.

Günün ikinci yarısında təşkil olunan sessiyalar “PwC”nin süni intellekt və texnologiya lideri Maykl Berns və Birləşmiş Millətlər Təşkilatının İnkişaf Proqramının kəşfiyyat rəhbəri Leyla Seyidzadənin moderatorluğu ilə keçirilib. Sessiyalarda Azərbaycan Beynəlxalq Bankının baş direktoru Nihat Şenyuva, PAŞA Bankın İdarə Heyətinin üzvü Bəhruz Nağıyev, “GazProm Bank”ın rəqəmsallaşma üzrə vitse-prezidenti Aleksey Kotlov, “AI Governance International”ın təsisçisi Ana Çubinidze, Avropa Şurası Süni İntellekt üzrə Komitədə Gender Bərabərliyi Məruzəçisi Yana Novohradska, “Givetastic”in icraçı direktor və təsisçisi Vidya M. Müller, Aqrar Elm və Innovasiya Mərkəzinin direktor müavini Əkbər Abbasov çıxış ediblər.

Tədbir çərçivəsində, həmçinin data yarışması öncəsi təlim (workshop) təşkil olunub və "Kaggle" platforması üzərində keçirilən data yarışmasına start verilib.

Media tərəfdaş ASAN Radiodur.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!
© 2018 ASAN Radio