21 dekabr 2021-ci il tarixində İstanbul Konvensiyasının spesifik maddələrinə həsr olunmuş silsilə vebinarların sonuncusu keçirildi. İstanbul Konvensiyası Avropa Şurasının Qadınlara qarşı zorakılıq və məişət zorakılığının qarşısının alınması və ona qarşı mübarizə haqqında Konvensiyasıdır. Vebinarların məqsədi Azərbaycanın bu beynəlxalq müqaviləyə tərəf olma istiqamətində müzakirələri təşviq etmək üçün konvensiyanın məzmununu izah etməkdir. Dördüncü və sonuncu vebinar İstanbul Konvensiyasının təcili qadağanedici əmrlər haqqında 52-ci maddəsinə həsr olunmuşdur. Vebinarda qadınlara qarşı zorakılıq və məişət zorakılığı sahəsində beynəlxalq ekspert 52-ci maddəyə dair məlumat verdi etdi və təcili qadağanedici əmrlərlə müdafiə orderləri arasındakı fərqi izah etdi. Ekspert lazımi səy prinsipini və dövlətin qurbanları qorumaq vəzifəsini, eləcə də qurbanların təhlükəsizliyini artırmaq üçün təcili qadağanedici əmrlərin necə tətbiq olunacağı və onların yarada biləcəyi çətinlikləri də vurğuladı. İsveç və Avstriya daxil olmaqla qabaqcıl təcrübələrdən bəzi nümunələr təqdim olundu. Daha sonra suallar və cavablar sessiyası çox canlı keçdi və Avropa Şurasının üzv dövlətləri tərəfindən bu vasitənin tətbiqinə dair qabaqcıl təcrübələr, 52-ci maddəyə əsasən dövlətlərin atmalı olduğu addımlar kimi mövzuları əhatə etdi.

Bu tədbir Şərq Tərəfdaşlığı ölkələrində Avropa İttifaqı və Avropa Şurasının birgə proqramı olan Yaxşı İdarəçilik üçün Tərəfdaşlıq II (PGGII) çərçivəsində "Azərbaycanda İstanbul Konvensiyası və digər gender bərabərliyi standartlarına dair məlumatlılığın artırılması" layihəsi tərəfindən həyata keçirilmişdir.