Gəncədə yaşayış binasında baş vermiş partlayış nəticəsində dağntılar altından bir nəfər sağ çıxarılıb. Bu barədə Trend-ə özəl olara Səhiyyə Nazirliyinini mətbuat xidmətinin rəhbəri Prəviz Abubəkirov deyib.

***

Gəncədə yaşayış binasında baş verən partlayış zamanı daha 1 nəfərin dağıntılar altda qaldığı ehtimal edilir.

Trend-in məlumatına görə, yaşayış binasının partlayış baş verən giriş blokunun 1-ci mərtəbəsində 2 nəfər kirayədə yaşayırmış. Hadisədən sonra həmin şəxslərdən birinin meyiti dağıntılar altından çıxarılsa da, digər bir nəfərin axtarışları davam etdirilir.

Hadisə nəticəsində xəsarət alanların olmadığı bildirilir. Məlumata görə, 4 mərtəbəli yaşayış binasının 1-ci blokunun üst mərtəbələrində yaşayış olmayıb.

Xatırladaq ki, Gəncə şəhərinin Kəpəz rayonunda dördmərtəbəli yaşayış binasında partlayış baş verib.

Fövqəladə Hallar Nazirliyinin Dövlət Yanğından Mühafizə Xidmətinin, Xüsusi Riskli Xilasetmə Xidmətinin, Mülki müdafiə qoşunlarının və Gəncə Regional Mərkəzinin müvafiq xilasetmə qüvvələri qeyd olunan ünvana cəlb olunub, digər aidiyyəti dövlət qurumları məlumatlandırılıb.

İlkin məlumata görə, 3 girişdən ibarət binanın 1-ci girişindəki mənzillər dağılıb. Dağıntılar altında qalanların olduğu ehtimal olunur. Hazırda axtarış-xilasetmə işləri aparılır. İlkin ehtimala görə, partlayış qaz sızması nəticəsində baş verib.

***

Gəncə şəhərində dördmərtəbəli binada partlayış olub.

REAL-ın məlumatına görə, hadisə şəhərdə yerləşən "Füzuli" parkının yaxınlığında, Şahlar Hüseynov küçəsi, bina 13-də baş verib.

Nəticədə bloklardan birinin bir hissəsi çöküb.

İlkin məlumatlara görə, dağıntılar altında qalanlar var.

Faktla bağlı araşdırma aparılır.

Binada baş verən hadisənin qaz partlayışı olduğu bildirilir. 

Bakıdan Gəncəyə FHN-in Xüsusi Riskli Xilasetmə Xidmətinin xilasetmə qrupu göndərilib.