"QəbuldASAN" verilişinin 4 iyul buraxılışında Bakı Dövlət Universitetinin rektoru Elçin Babayev qonaq oldu. ASAN Radionun direktoru Emin Musavinin aparıcılığı ilə yayımlanan proqrama tələbələr zəng edərək və ya yazaraq suallarını canlı yayımda qonağımıza ünvanladılar. 

Vaxt məhdudiyyəti səbəbindən səsləndirə bilmədiyimiz sualları cavablandırmaq üçün rektor Elçin Babayev növbəti gün (5 iyul) həmin tələbələrlə görüş keçirdi. ASAN Radionun da iştirak etdiyi qəbulda tələbələri narahat edən məsələlər araşdırıldı, müvafiq tapşırıqlar verildi. Tələbələr minnətdarlıq ifadə etdilər. Görüşdə “QəbuldASAN” verilişinə müraciət edən valideynlər də iştirak edirdi. 

Bakı Dövlət Universitetinin rektoru Elçin Babayev görüşün nəticəsi ilə bağlı ASAN Radioya məlumat verdi. “QəbuldASAN” verilişinin tələbələrlə kommunikasiyada böyük rol oynadığını dedi. Bakı Dövlət Universitetinin rektoru Elçin Babayev bəzən  tələbələrin, bəzən isə valideynlərin öz hüquqlarını bilməməsindən də söz açdı. 

Rektor bildirdi ki, Bakı Dövlət universiteti tələbələrin problemlərini operativ və şəffaf şəkildə araşdırılması istiqamətində işini davam etdirəcək. Qeyd edək ki, "QəbuldASAN" verilişini hər həftənin cümə axşamı saat 19:05-də dinləyə bilərsiniz. Verilişin ənənəsinə görə, vaxt məhdudiyyəti səbəbindən efirdə səslndirilməyən müraciətlər sonradan qonağa təqdim edilir və mütləq cavablandırılır. 

Görüşdən hazırladığımız audioreportajı buradan dinləyə bilərsiniz:

http://bit.ly/2XtC7rn