ASAN Radio

XİN rəhbərinin müavini: “Şərq Tərəfdaşlığı”na üzv ölkələrdən biri digərinin ərazisini işğal edə bilməz”

İyul 11,2019 18:30

“Azərbaycan iqtisadi islahatlar, habelə korrupsiyaya qarşı mübarizə ilə yanaşı, qanunların rolunun gücləndirilməsi, insan hüquq və azadlıqlarına hörmətin təmin edilməsi sahəsində uğurlu siyasət həyata keçirir”.

APA-nın xəbərinə görə, bunu “Şərq Tərəfdaşlığı”nın 10-cu il dönümünə həsr olunmuş Batumi Beynəlxalq Konfransında çıxış edən Xarici İşlər nazirinin müavini Mahmud Məmmədquliyev Azərbaycanın 10 il ərzində gördüyü işləri şərh edərkən deyib.

Nazir müavini qeyd edib ki, bu gün Azərbaycanın demək olar bütün qonşuları ilə strateji əməkdaşlığı mövcuddur: “Azərbaycan özünü regionda etibarlı tərəfdaş kimi sübut edib. Ancaq təəssüf ki, əlaqələr, ticarət layihələri kimi bəzi regional perspektivlər həll olunmamış münaqişələrin girovuna çevrilib. 2013-cü ilin oktyabrında Avropa Parlamentində qəbul olunmuş qətnamədə qeyd olunduğu kimi, Avropa İttifaqının qonşuluq siyasətinə görə, “Şərq Tərəfdaşlığı”na üzv ölkələrdən biri digərinin ərazisini işğal edə bilməz. Bu, yalnız BMT Təhlükəsizlik Şurası, BMT Nizamnaməsi, ATƏT sənədlərində deyil, həm də Avropa İttifaqının sənədlərində öz əksini tapıb. Avropa İttifaqını xarici və təhlükəsizlik siyasəti üçün nəzərdə tutulan qlobal strategiyasına görə, suverenlik, müstəqillik, ərazi bütövlüyü, sərhədlərin toxunulmazlığı və münaqişələrin sülh yolu ilə həlli qurumun təhlükəsizliyinin əsas elementləridir. Biz bu qaydanı bütün sənədlərdə, səviyyələrdə və çərçivələrdə əks etdirməliyik. İnanırıq ki, “Şərq Tərəfdaşlığı”nın gələcəyi, uğuru regionda təhlükəsizliyin və stabilliyin qorunub saxlanılmasından asılıdır”.

XƏBƏR LENTİ

DAHA ÇOX

Əlaqə

Ünvan: Yasamal rayonu, A. M. Şərifzadə küç. 157

Əlaqə nömrəsi: 012 444 74 74

Efir nömrəsi: 012 56 56 100

Whatsapp nömrəsi: 070 65 56 100

Email: [email protected], [email protected]

Reklam:

Mobil: 050 60 06 100

Şəhər: 012 444 74 74 (daxili 80695)

Email: [email protected]

Haqqımızda

Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!