ASAN Radio və “ASAN Könüllüləri”nin təşkilati dəstəyi ilə növbəti "ASAN Yay Festivalı" keçirilib.

Mingəçevir “ASAN Həyat” kompleksində baş tutan festival həm yerli, həm də digər rayon və şəhərlərdən gələn sakinlər tərəfindən rəğbətlə qarşılanıb. 

Konsertdə müğənnilər Roza Zərgərli, Zenfira İbrahimova, Zeynəb Həsəni, Aydın Sani və DJ Bazaur çıxış ediblər. Mingəçevir "ASAN Könüllüləri" tərəfindən rəqs nümunələri, ifalar təqdim olunub. 

Konsertdən hazırlanan xüsusi proqram həftə ərzində ASAN Radioda təqdim ediləcək. 

“ASAN Yay Festivalı”na “ASAN xidmət”in Rəqəmsal Könüllüləri də qatılıblar. Onlar festival iştirakçılarını elektron hökumət, elektron dövlət xidmətləri, elektron ödənişlər və elektron xidmətlərdən istifadənin üstünlükləri barədə məlumatlandırıblar.

Qeyd edək ki, Mingəçevir “ASAN Həyat” kompleksi də digər komplekslər kimi “ASAN xidmət” mərkəzi ilə yanaşı, ictimai iaşə obyektlərini də özündə birləşdirir. Belə ki, vətəndaşlar operativ və nümunəvi xidmətlə yanaşı, bu konseptin istirahət və əyləncə imkanlarından da istifadə edirlər. “ASAN Həyat” kompleksi vətəndaş rahatlığı üçün həyat standartlarının yaxşılaşdırılmasına xidmət edən müxtəlif həlləri əhatə edir.