YENİLİKLƏR
"Hərbiyyə - 101" düşərgəsinin ikinci günündə iştirakçılar ilk olaraq Füzuli rayonunun Horadiz şəhərində ulu öndərin abidəsi önünə çələng qoyublar. Həmçinin Aprel döyüşlərinin şəhidlərinin xatirəsinə ucaldılmış abidə ziyarət olunub.
Tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, Füzuli Rayon İcra Hakimiyyətinin başçısı Alı Alıyev, Birlik komandiri, general-mayor Mayis Bərxudarov və digər qonaqlar iştirak ediblər.
Sonra Lələtəpə zirvəsinə səfər təşkil edilib.
Günün 2-ci yarısında Azərbaycan Respublikasının Milli Qəhrəmanı Şükür Həmidovun rəhbərliyi ilə atışın əsasları, üsul və qaydaları, atəş hazırlığı üzrə 1, 2, 13, 14-cü normativlərin yerinə yetirilməsi, əl qumbarasının məsafəyə və dəqiq atılması üzrə məşqlər aparılıb. Məşqlər tam mənimsənildikdən sonra atəş atıcılığının praktiki yerinə yetirilməsi, həmçinin silahın gözü bağlı şəkildə sökülüb-yığılması üzrə yarışlar keçirilib.
"Hərbiyyə - 101" düşərgəsi "ASAN xidmət", Azərbaycan Respublikasının Müdafiə Nazirliyi və "ASAN Könüllüləri" Təşkilatının birgə təşkilatçılığı ilə reallaşdırılır.
Layihənin media tərəfdaşları “Azərbaycan Televiziya və Radio Verilişləri” QSC, ASAN Radio və www.azvision.az xəbər saytıdır.
XƏBƏR LENTİ
İyun 20,2025 10:21İyun 17,2025 15:59İyun 17,2025 15:52May 22,2025 14:25May 08,2025 19:28May 07,2025 11:00May 07,2025 10:54Fevral 24,2025 17:44“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
