Oktyabrın 15-də Beynəlxalq Muğam Mərkəzində Azərbaycan ədəbiyyatının və kino incəsənətinin görkəmli nümayəndələrindən biri yazıçı-dramaturq Əmir Pəhləvanın anadan olmasdının 60 illiyinə həsr olunmuş yubiley tədbiri keçirilib.
Yubiley gecəsində tədbirin aparıcısı professor İlham Rəhimli dramaturqun həyat və yaradıcılığından söz açıb. Bildirib ki, 70 kitabın, 20 filmin, 2 teatr tamaşasının müəllifi olan olan ədibin 5 filmi ( “Fransız”, “Qarabağ şikəstəsi”, “Spasibo”, “Qız Qalası”, “Bakı Nefti və Nobellər”)xarici kinofestivalların qalibi və baş mükafatlarını almışdır.15 kitabı Avropa, ABŞ ,Türkiyə - 20 kitabı Rusiya və Ukraynada çap olunmuşdur. Daha sonra yubilyarın ünvanına gələn təbrik teleqramları Qazaxıstan Respublikasının eks prezidenti Nursultan Nazarbayev, Mixael Sidorjevski – Ukrayna Yazıçılar İttifaqının sədri, Lidiya Dovıdenko – Rusiya Yazıçılar İttifaqının katibi və s oxunub.
Tədbirdə akademik Nizami Cəfərov, Xalq şairi Vahid Əziz, ədəbiyyatşünas alim Qurban Bayramov çıxış edərək təbriklərini ünvanlayıb, dramaturqun yaradıcılığı ilə bağlı fikirlərini bölüşüblər.
Yubiley tədbiri konsert proqramı ilə davam edib. Gecədə Xalq artisi Zabit Nəbizadə, Gülyaz Məmmədova, Əməkdar artistlər Gülüstan Əliyeva, Azad Şükürov və gənc müğənnilərin ifaları təqdim edilib. Tədbirin sonunda yubilyar çıxış edərək təşkilatçılara və qonaqlara təşəkkürünü bildirib.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!