USD - 1.7 EUR - 1.8991 RUB - 0.0271 TRY - 0.294 DAHA ÇOX
SON DƏQİQƏ
İstirahət günlərində gözlənilən hava proqnozu Azərbaycan XİN ABŞ Senatının qətnaməsini qərəzli və hüquqi əsası olmayan sənəd hesab edir Prezident İlham Əliyev 20 Yanvar faciəsinin otuzuncu ildönümü haqqında Sərəncam imzalayıb Bu il Qazax rayonu istiqamətində sərhəd döyüş məntəqələrinin mövqeləri 1,5-1,7 km irəli çəkilib "ASAN xidmət" növbəti sosial rubrikaya start verib - Video
Cəlil Məmmədquluzadənin ev muzeyinin açılışı olub

Cəlil Məmmədquluzadənin ev muzeyinin təmirdən sonra açılışı olub.

Azvision.az xəbər verir ki, açılış mərasimində Cəlil Məmmədquluzadənin ilk dəfə Azərbaycana gəlmiş nəticəsi Martin Cavanşiri və onun oğlu Pşemislav Cavanşiri, Mədəniyyət nazirinin müavini Vaqif Əliyev, Azərbaycan Yazıçılar Birliyinin (AYB) sədri Anar Rzayev, AMEA-nın vitse-prezidenti, akademik İsa Həbibbəyli, Türkiyənin Azərbaycandakı səfiri Erkan Özoral, Milli Məclisin deputatları və yazıçılar iştirak ediblər.

Mədəniyyət nazirinin müavini Vaqif Əliyev bildirib ki, ev muzeyi yeni təmirdən çıxıb və burada yeni ekspozisiya açılıb.

"Cəlil Məmmədquluzadənin burada nəvəsi və nəticəsi də iştirak edir. Bu, bizim üçün gözlənilməz oldu. Cəlil Məmmədquluzadə bütün yaradıcılığı ilə bərabər, həm də azərbaycanlı idi. O, Azərbaycanın təhsili, dilinin təmizliyi uğurunda, insanların maarifləndirilməsinə çalışan şəxs olub. Mirzə Cəlilin və onun kimi fədakar, mütəfəkkirlərin, söz xadimlərinin hesabında insanlarımız, dilimiz, ədəbiyyatımız çox irəli gedib. O, dünya klassikləri ilə eyni sırada durmağa layiq insan olub".

AYB sədri Anar Rzayev çıxış edərək deyib ki, Bakıda Cəlil Məmmədquluzadənin muzeyi əvvəllər olsa da, ümummilli lider Heydər Əliyev Moskvaya gedəndən sonra baxımsız vəziyyətdə qalmışdı: "Mən o vaxt bu barədə bir yazı yazmışdım. Sonralar Heydər Əliyev ölkə rəhbərliyinə qayıdandan sonra muzeyə diqqət yenidən artırıldı. Bu muzeydə Cəlil Məmmədquluzadənin ömrünün ən ağrılı anları keçib. O, bu evdə övladlarını soyuqdan qorumaq üçün öz əlyazmalarını yandırıb. Mənə elə gəlir ki, bu ocaq tək onun balalarını yox, bu gün bizi də isidir".

AMEA-nın vitse-prezidenti İsa Həbibbəyli qeyd edib ki, 68 illik fasilədən sonra C.Məmmədquluzadənin nəslinin nümayəndələri ilk dəfə Azərbaycana, doğma vətənə gəlib.

"Mirzə Cəlilin nəvələri İranda, Polşada, Fransa və İrlandiya yaşayır. Cəlil Məmmədquluzadənin nəticəsi və kötücəsi hazırda bizimlədir. Onlar ulu babalarının evində olacaqlar. Bu evdə Cəlil Məmmədquluzadə ən böyük əsərlərini yazıb. Bu evin ona verilməsində Nəriman Nərimanovun böyük xidmətləri olub. Sovet rejimi onu İrandan dəvət etsə də, bir il ərzində lazımı diqqət yetirilməyib. Evin birinci mərtəbəsi "Molla Nəsrəddin" mətbəəsi, ikinci mərtəbəsi isə ev olub. Bura Azərbaycanın görkəmli yazıçıları onunla görüşə gəliblər".

Daha sonra C. Məmmədquluzadənin nəticəsi Martin Cavanşiri çıxış edərək ulu babasına göstərilən bu diqqətə görə təşəkkürünü bildirib: "Mən təsəvvür etməzdim ki, ona Azərbaycanda bu qədər sevgi var. Bura ilk dəfə gəlirəm, ümid edirəm ki, bu səfərlər davamlı olacaq".

Qeyd edək ki, böyük Azərbaycan ədibi və publisisti Cəlil Məmmədquluzadənin ev muzeyi ötən ilin may ayından təmirə bağlanmışdı. Həmin ev muzeyi ədibin 1920-1932-ci illərdə yaşayıb yaratdığı mənzildə yerləşir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio