USD - 1.7 EUR - 1.985 RUB - 0.0215 TRY - 0.2177 DAHA ÇOX
SON DƏQİQƏ
MN: Ermənistana məxsus Su-25 təyyarəsinin F-16 qırıcısı tərəfindən vurulması barədə məlumatlar yalandır Türkiyə Ermənistana məxsus Su-25 təyyarəsinin F-16 tərəfindən vurulduğu barədə İrəvanın məlumatını təkzib edib   Prezident İlham Əliyev dövlət və hökumət başçılarının toplantısında videoformatda çıxış edib "ASAN Məktub" - Vətən sərhəddən başlayır (FOTO) Azərbaycanda son sutkada 58 nəfər COVID-19-a yoluxub, 102 nəfər sağalıb, 2 nəfər vəfat edib  
Yasamal rayonunda 7 km uzunluğunda küçə və yol yenidən qurulur

Dövlət başçısının tapşırıq və sərəncamları əsasında Azərbaycan Avtomobil Yolları Dövlət Agentliyi tərəfindən Yasamal rayonu ərazisində kompleks tədbirlər həyata keçirilir. İşlər əsasən uzun müddət əsaslı şəkildə təmir olunmadan istismar olunan, hazırda yol örtüyünün vəziyyəti qənaətbəxş olmayan, ümumi istifadədə olaraq sərnişin avtobusların hərəkət etdiyi, sosial obyektlərin yerləşdiyi küçə və yollarda aparılır.

Agentlikdən ASAN Radioya verilən məlumata görtə, 2019-cu ildə bu çərçivədə Yasamal rayonu üzrə ümumi uzunluğu 7.6 km olan 13 adda küçə və yolda təmir-tikinti işləri aparılıb. Cari ildə də bu istiqamətdə genişniqyaslı işlər davam etdirilir.

Vətəndaşların rahat gediş-gəlişinin təmin olunması istiqamətində 2020-ci ilin investisiya proqramına uyğun olaraq, Yasamal rayonu ərazisində təmirə ehtiyacı olan daha 7 km uzunluğa malik küçə və yollarda Azərbaycan Avtomobil Yolları Dövlət Agentliyi tərəfindən kompleks tədbirlər həyata keçirilir.

Proqrama uyğun olaraq rayonun Bakı Dairəvi yolu ilə Yeni Yasama lyaşayış massivini birləşdirən yeni bağlantı yolun tikintisinin, həmçinin Ümid Əkbərov, Müzəffər Həsənov, Fəridə və Pərviz Abbasovlar, Qədirli, Lev Tolstoy və Şamil Əzizbəyov küçələrində yenidənqurma işlərinin aparılması nəzərdə tutulurdu ki, artıq bu istiqamətdə işlərin böyük bir hissəsi yerinə yetirilib.

Belə ki, təmir-tikinti işləri 1.6 km uzunluğa malik Ümid Əkbərov, ümumi uzunluqları 800 metr olan Fəridə və Pərviz Abbasovlar və Qədirli küçələrində aparılaraq yekunlaşdırılıb, həmçinin Yeni Yasamal yaşayış massivinə 700 metr uzunluğunda yeni bağlantı yolu inşa edilib. Sözügedən yol və küçələrdə müasir yol infrastrukturunun yaradılması əhalinin ürəyincə olub. Çünki uzun müddət ərzində təmirsiz küçələrdə gediş-gəlişlə bağlı problemdən əziyyət çəkiblər.

Yenidənqurma işləri zamanı sadalanan yol və küçələr boyu zəruri yerlərdə deformasiyaya uğramış yararsız qrunt qazılıb çıxarılıb, əks dolğu işləri aparılmaqla kipləşdirmə işləri görülüb, küçələr profilə salınıb, zəruri yerlərdə optimal qum-çınqıl qarışığından yol əsası işlənilib və bunun ardınca asfaltlanma işləri aparılıb, yeraltı kommunikasiya xətlərinin baxış qapaqları layihə hündürlüyünə qaldırılıb.

Hazırda sözügedən rayon üzrə anoloji təmir-bərpa işləri ümumi uzunluğu 2700 metr olan Şamil Əzizbəyov və Lev Tolstoy küçələrində də davam etdirilir. Artıq bu küçələrin bir hissəsində işlər yekunlaşdırılıb.

Aparılan yenidənqurma işlərinin yekunlaşması ardıcıllığına uyğun olaraq Müzəffər Həsənov küçəsində də yenidənqurma işlərinin aparılması nəzərdə tutulub.

Adı çəkilən yol və küçələr vətəndaşların əsas istifadə etdiyi ərazilər olduğu üçün təmir-bərpa işlərinin aparılması gediş-gəlişin rahatlaşmasına, sərnişindaşımanın daha da asanlaşmasına gətirib çıxarır.

İşlərin vaxtında yekunlaşdılması üçün əraziyə lazımi sayda canlı qüvvə və texnika cəlb edilir.Qeyd olunan ərazilərdə təmir işlərinin həcmi investisiya proqramına uyğun olaraq ayrılmış vəsait hesabına Azərbaycan Avtomobil Yolları Dövlət Agentliyinin rəhbərliyinin nəzarəti altında “İnşaat Norma və Qaydaları”nın tələblərinə əsasən aparılır. Təbii ki, tərtib olunmuş qrafikə uyğun ölkə başçısının müvafiq sərəncamları və investisiya proqramına uyğun olaraq, rayon üzrə təmirə ehtiyacı olan digər küçə və yollarda da təmir-tikinti işlərinin aparılması nəzərdə tutulur.

YENİ XƏBƏRLƏR
DAHA ÇOX
Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio